DÍLI, STLTIMORLESTE.com — ADR União manan Rabit Anan ho skor 3–2 iha Liga Voleibol Timor-Leste Segunda Divizaun, Époka Sexta 2026.
Enkontru ne’e realiza iha Kampu Voleibol Ginásio Dili, Sábadu, 5 Setembru, ho jogu ne’ebé la’o intensa to’o set ikus.
Rabit Anan hahú di’ak iha set primeiru no kontrola ritmu jogu, hodi manan ADR União ho skor 25–18.
ADR União responde iha set segundu ho prestasaun forte no domina jogu. Ekipa ne’e manan ho skor 25–12, hodi iguala rezultadu 1–1.
Iha set terseiru, ADR União kontinua konsistente ho servisu no atake efetivu, hodi manan set ne’e 25–19 no lidera 2–1.
Rabit Anan la desiste iha set haat. Ho bloku no defeza ne’ebé metin, ekipa ne’e manan 26–24 no iguala rezultadu 2–2.
Iha set ikus, ADR União aumenta konsentrasaun no kontrola pontu importante sira, hodi manan Rabit Anan 15–12.
Ho rezultadu ne’e, ADR União sai manan-na’in enkontru ho agregadu 3–2, depois de disputa to’o set lima.
Rabit Anan hatudu rezisténsia durante enkontru, maibé ADR União konsege utiliza esperiénsia no konsisténsia atu asegura vitória iha set ikus.
Vitória ne’e aumenta konfiansa ADR União atu kontinua disputa iha Liga Voleibol Timor-Leste Segunda Divizaun Époka Sexta 2026.
(leo)
