DÍLI, STLTIMORLESTE.com — ADR União vense St. António ho skor 43–24 iha Liga Nasional Basketball Timor-Leste 2026, iha Ginásio Dili, Sábadu, 5 Setembru.
ADR União hatudu dominasaun desde inísiu partida, ho movimentu ofensivu efetivu no konsistente atu aumenta vantajen pontu.
Jogadora ADR União aproveita oportunidade iha quadra, liuhosi arremesu pontu rua ne’ebé kontribui boot ba pontu ekipa.
St. António buka responde ho arremesu dook atu hetan pontu tolu, maibé maioria arremesu la tama ho di’ak.
Kondisaun ne’e halo St. António difísil atu hamenus diferensa pontu no kontrola ritmu partida.
To’o partida remata, ADR União kontinua domina jogu no asegura vitória ho rezultadu 43–24, ho diferensa 19 pontu.
Apoiantes no torçedores sira iha Ginásio Dili fó animasaun durante partida, nune’e ambiente pavilhaun sai movimentadu.
Treinador ADR União orienta jogadora sira atu mantein konsentrasaun, disiplina no aproveita oportunidade iha quadra.
Vitória ne’e hatudu forsa ADR União iha partida. St. António presiza hadi’a aspetu ofensivu no defensivu, liuliu finalizasaun arremesu.
(leo)
