DILI, STLTIMORLESTE.com – Asia Justice and Rights (AJAR) halao aprosimasaun kona-ba direitu umanu ba membru OPS, Diresaun Nasional Prevensaun Konflitu husi Miniteriu Interior nomos reprezentante Provedoria Direitu Humanu no Justisa (PDHJ).
“Worhop kona-ba aprosimasaun direitus umanus ba polisiamentu iha komunidade nia intensaun, atu eleva konhesimentu husi ajente estadu sira laos iha nee husi polisia deit OPS husi suku sira nee, maibe husi reprezentante husi komando eskuadra sira nebee ke ami konsidera area sira neebe konflitu aas, nunee mos husi Diresaun Nasional Prevensaun Konflitu husi Miniteriu Interior no husi PDHJ,” dehan Diretor, AJAR Jose Luis de Oliveira ba jornalista sira, iha Farol, Dili, Kuarta (26/02/2025).
Nia hatutan, instituisaun sira durante nee idak-idak servisu ninia, ladun iha kooperasaun, tanba nee mak AJAR koko halibur sira no koko koalia oinsa atu prevene situasaun konflitu liu husi kooperasaun neebe dezenvolve.
Nunee mos bainhira konflitu akontese oinsa mak koko rezolve konflitu sira nee tuir aprosimasaun direitu umanu.
Nunee mos Segundu Komandante Eskuadra Vera Kruz, Gaspar Lopes hatoo agradesimentu ba AJAR neebe ho inisiativa fo ona konhesimentu no fahe mos matenek ba sira.
“Konhesimentu neebe sira fahe ba ami nee relasaun mos ho ami nia servisu, liu-liu ba iha ligasaun ho direitu umanu nian, ida tan mos katak parte hotu iha ligasaun ba malu, ami sei servisu hamutuk hodi atende sosiedade nia problema,” katak nia.
Nia hatutan, informasaun neebe mak sira hetan sei implementa iha komunidade nia leet, tanba informasaun neebe mak sira hetan nee importante ba sira servisu, tanba nee ligasaun ho direitu umanu no sira neebe rezolve problema iha sosiedade nia leet.
Nunee mos OPS Husi Suku Kamea, Jaime de Adrade hatutan, formasaun husi AJAR nee kapaas tebes no diak, atu bele aumenta konhesimentu no kaderniza OPS, atu nunee bainhira fila fali ba serbisu fatin.
(eme)
