DILI, STLTIMORLESTE.com – Tribunal Judisal Primeira Instansia Dili (TJPID) halao prosesu primeiru interogatoriu ba arguidu ho inisial XG, tanba komete krime rua.
Ministeriu Publiku reprezenta husi Prokurador Turnu, Bartolomeo de Araujo, promove arguidu mai iha Tribunal ho krime rua, Tentativa omisidiu ho Arma Branka.
Hafoin Juiz prosesu Jose Quintao rona tiha arguidu nia deklarasaun remata, husu ba iha Ministeriu Publiku no defeza atu tama ba iha alegasaun.
Iha alegasaun, Prokurador Bartolomeo de Araujo solisita ba iha Tribunal atu aplika medida Aprezentasaun Periodika ba arguidu.
Enkuantu husi parte defeza nian aseita ho pedidu Ministeriu Publiku nian, atu aplika medida Aprezentasaun Periodika ba arguidu.
Rona tiha arguidu no lezadu, ikus mai Juiz turnu Jose Quintao deside aplika medida Aprezentasaun Periodika (AP) ba arguidu, atu aprezenta an iha Eskuadra Polisia neebe hela besik ba fulan ida dala ida.
“Tribunal hatun despaisu deside aplika medida Aprezentasaun Periodika ba iha arguidu, atu aprezenta an fulan ida dala ida,” dehan fontes konfirmadu ba STL iha Tribunal Dili, Tersa (18/08/2026).
Prosesu nee prezide husi Juiz Jose Quintao, Ministeriu Publiku reprezenta husi Prokurador Bartolomeo de Araujo, arguidu hetan asistensia legal husi Defensor Publiku nain ida.
(ter)
