DILI, STLTIMORLESTE.com – Arkivu Muzeum Rezistensia Timorense, Institutu Publiku (AMRT, IP) ho Organizasaun Nasoens Unidas ba Asuntu Feto, organiza komemorasaun Loron Mundial ba feto.
Diretor Ezekutivu AMRT, Jorge Alves hateten, AMRT ho Organizasoens Nasoens Unidas iha Timor Leste organiza komemorasaun Loron Mundial Feto.
“Ohin 8 Marsu, AMRT ho UN komemora Loron Mundial ba Feto nian, ita hakarak fo parabens ba feto Timor Leste nomos feto internasional sira neebe fo solidariedade ba ita nia prosesu luta too hetan ukun rasik aan,” hatete Prezidente AMRT, Jorge Alves ba jornalista sira iha edifisiu AMRT, Sabadu nee (08/03/2025)
Nia hatutan, iha komemorasaun nee AMRT loke mos esposizaun fotografia rua husi espoza Nicolao Lobato no Rogerio Lobato nia.
Tuir nia, esposizaun fotografia rua neebe importante tebes-tebes ba povu Timor Leste, liu-liu ba jerasaun foun sira atu bele konhese heroina sira neebe fo sira nia vida ba Timor Leste ninia independensia
“Ohin mos ita halo esposizaun rua husi Prezidente Nicolao Lobato nia espoza Isabel Barreto nomos Ministru Defeza iha Primeiru Governu Konstitusional 1975 senhor Rogerio Lobato ninia espoza,” dehan nia.
(alb)
