DILI, STLTIMORLESTE.com – Eskola Sekundáriu Jeral nu. 4 Setembru Balide iha kriteria ba estudantes sira, bainhira asesu livru iha biblioteka labele barulhu.
“Durante nee ami sempre asegura diak ami nian bibleoteka eskolar, nee asegura diak tebes, nunee mos ami nian estudantes sira asesu hela livru hirak neebe ami rai iha biblioteka, ami nian kriteria asesu livrus nee barak los. Ami nian estudantes sira estuda hotu raí fila fali no impresta hotu fo fali, depois labele barulhu iha biblioteka laran no seluk seluk tan, ami nian livru neebe mak rai iha biblioteka nee balun sei menus,” dehan Diretor ESJ nu. 4 Setembru Balide, Sergio A. da Cruz ba STL iha nia knaar fatin Balide, Kinta nee (09/04/2026).
Sergio hatutan, nuudar direjente husi eskola ida nee husu nafatin ba estudantes no profesores sira atu bele asegura diak livru sira nee, karik lee hotu bele rai didiak iha fatin, karik estudantes sira impresta bele fo fila-fali.
“Hau hanoin kada loron ita nian estudantes sira sempre asesu ba iha livru sira nee, karik sira partisipa iha prosesu ensinu aprendizajen, depois sira asesu ba iha ita nian livru sira nee, maske ita nian livru balun seidauk iha,” nia haktuir.
Entretantu Zulmira do Rego nuudar estudante husi ESJ nu. 4 Setembru dehan, sira asesu ba livru sira nee, bainhira lee hotu rai didiak fali iha fatin, dala ruma sira impresta livru sira nee, maibe lori mai tau fali iha bibloteka.
“Ami asesu ba livru sira nee, bainhira lee hotu rai didiak fali iha nia fatin, dala ruma ami impresta livru sira nee, maibe lori mai tau fali iha bibloteka,” nia dehan.
(jac)
