DÍLI, STLTIMORLESTE.com — Klubu Voleibol mane Choque sai hanesan manan-na’in iha jogu hasoru Klubu Voleibol Çelo, ho rezultadu 3-0, iha kompetisaun Liga Voleibol Timor-Leste Segunda Divizaun, Époka Sexta 2026.
Jogu ne’e realiza iha Kampu Voleibol Ginásio Dili, sábadofoin lalais nee. Jogadora husi ekipa rua hatudu intensidade aas no kapasidade teknika ne’ebé di’ak, liuliu iha servisu, pasing, smash no bloku
Iha set primeiru, klubu voleibol Choque komesa jogu ho di’ak no konsege kontrola ritmu jogu nebe furak. Ho servis no atake ne’ebé efetivu, Choque konsege manan Çelo ho skor 25–16.
Depois deskansa, treinador husi ekipa rua kontinua fó motivasaun no orientasaun ba jogadora sira atu mantein konsentrasaun, atu keta husik oportunidade jogu ne no disiplina sira durante jogu lao.
Tama ba Iha set segundu, Choque hamrik metin liu tan hodi hatudu domíniu no konsisténsia ba jogu ida nee. Ho kombinasaun servisu no atake ne’ebé efetivu, Choque konsege manan set segundu ho skor 25–18, hodi lidera 2–0.
Set ba dala tolu sai determinante ba ekipa Choque. Jogadora Choque hatudu esforsu tomak no konsentrasaun aas, aumenta presaun liuliu iha bloku no defeza. Esforsu ne’e fó rezultadu, tanba Choque konsege taka set ho vitoria 25–21.
Ho vitoria iha set ba dala tolu,Choque ofisialmente sai manan-na’in, depois de manan Çelo ho rezultadu final 3–0.
Vitoria ne’e hatudu konsisténsia no kapasidade Choque atu kontrola jogu to’o remata. Enkuantu ba Çelo, bele sai oportunidade atu halo avaliasaun ba sala no fraqueza sira ne’ebé mosu durante jogu hodi prepara an di’ak liután bajogu sira tuir mai.
Iha sorin seluk, apoiadór sira ne’ebé marka prezensa iha Ginásio Dili kontinua fó animasaun ba ekipa rua. Ambiente iha pavilhaun sai moris liután tanba apoiu no entusiasmu husi hare nain sira durante jogu hahu too remata.
(leo)
