DILI, STLTIMORLESTE.com – Embaixador Kambodia iha Timor Leste (TL), CHUN Sovannarith kongratula TL nia adezaun ba ASEAN nomos kongratula ba embaixador foun iha Kambodia.
Lia hirak nee hatoo husi Embaixadora Kambodia iha TL, CHUN Sovannarith ba jornalista sira hafoin halo enkontru ho Visi Primeiru Ministru no Ministru koordenador Asuntu Dezenvolvimentu Rural, Mariano Asanami Sabino, iha Palasiu Governu, Tersa (10/06/2025).
“Ohin hau kontente tebes mai hasoru Visi Primeiru Ministru, kongratula tebes TL nia adezaun ba ASEAN nomos kongratula Embaixador foun ba iha Kambodia, enkontru ohin nee lao kapas tebes, ami koalia kona-ba asuntu sira neebe importante entre nasaun rua, ami koalia mos kona-ba agrikultura oinsa bele speetch hodi haruka ba Kambodia no mos speetch balun husi Kambodia mai Timor Leste,” dehan CHUN Sovannarith.
CHUN sublina, lori lideransa sira iha Kambodia naran kongratula Visi Primeiru Ministru no mos Estadu Timor Leste, tanba prepara aan atu sai membru ASEAN iha fulan Outubru tinan nee.
“Apresia tebes ba TL nia servisu badinas makaas hodi kumpri rood map hotu neebe ASEAN estabelese, agradese mos ba suporta neebe husi Parlamentu Kambodia ho Prezidente neebe konstitente tebes hodi suporta adezaun TL ba ASEAN nu fim ita hotu susesu no Kambodia mos susesu,” katak nia.
CHUN mos hatoo agradese ba Parlamentu Nasional no ba Governu TL neebe mak apresia ba asuntu ekonomiku neebe mak lao hela iha Kambodia.
“Kambodia agradese tebes ba Timor Leste neebe suporta makaas ba atividade ekonomiku sira neebe mak lao hela iha Kambodia, Timor Leste diak, pas, matadalan los, atu kontinua pas neebe mak Timor Leste iha nomos pas neebe Kambodia iha too agora,” nia hakotu.
Nunee Kambodia servisu hamutuk ho (TL) nuudar nasaun ida deit, Kambodia nuudar familia ida husi ASEAN, fiar metin katak TL sei kontinua ho programa ASEAN nian too tinan 45, laos deit atu hetan benefisiu mesak maibe mos hetan benefisiu ba ASEAN tomak.
EST 1
