DILI, STLTIMORLESTE.com – Liu husi Komunikadu Impresa Media F-FDTL neebe STL asesu katak, delegasaun husi Malázia too ona iha Timor Leste (TL) hodi partisipa selebrasaun loron FALINTIL ba dala-51, neebe sei halao iha Matebian, Kelikai, Munisípiu Baucau, iha loron 20 Agostu tinan 2026.
Delegasaun Malázia nee akompanha husi Major Jenerál Mohamad Nizam HJ. Abdul Manap, hanesa Asistente Xefe Estadu Maior ba Operasaun no Treinamentu Defeza, Kuartel Jenerál Forsa Armadas Malázia (MAF).
Selebrasaun nee sei reúnu delegasaun no reprezentante husi nasaun parseiru sira, atu hametin amizade, solidariedade no kooperasaun entre Timor-Leste ho nasaun parseiru sira.
Delegasaun sira simu husi Coronel Helder da Costa, neebe atual hanesan Komandante Komponente Aéreo F-FDTL, no Tenente Koronel Graduadu Eng. Domingos Oki, neebe atual mos hanesan Xefe Divizaun Kooperasaun Tékniku Militár (CTM ).
(jen)
