DILI, STLTIMORLESTE.com – Dewan Solidaritas Mahasiswa Pemuda Pelajar Timor Timur (MPPTT) relata atividade no programa neebe sira sei halo iha tinan 2026-2030 ba Prezidente Republika, Jose Ramos Horta.
Bainhira remata halo audensia, João Sarmento hanesan Prezidente Dewan Solidaritas ba jornalista sira iha Palasiu Prezidensial Nicolao Lobato, Bairo Pite, Tersa (14/04/2026) hatete, ohin halo audensia ho Prezidente Republika, primeiru aprezenta aan husi Dewan Solidaritas Mahasiswa Pemuda Pelajar Timor Timur hanesan organizasaun estundantil ida neebe mak natoon eziste hahu husi 1998-1999 too ohin loron.
Iha hasoru malu nee ekipa husi Dewan Solidaritas Mahasiswa Pemuda Pelajar Timor Timur aprezenta estrutura neebe foin lalais hili liu husi kongresu.
“Depois ami koalia kona-ba rezultadu husi kongressu neebe mak foin lalais halo, depois hili ami, por ezemplu hau hanesan prezidente, sekretariu-jeral parte servisu fiskal inklui Doutor Antero iha nee hanesan eis Prezidente, Primeiru Prezidente Dewan Solidaritas nian neebe mai ami koalia ida nee. Programa sira neebe mak ami halo atu planea hodi halo entre 2026 -2030, tinan haat nia laran depois Prezidente fo nia hanoin iha asuntu balun neebe mak sai hanesan preokupasaun nasional ninian, por ezemplu ita bele dehan fiscal cliff ida nee mos sai hanesan preokupasaun ita nian Estadu Direitu Demokratiku Timor Leste esforsu kona-ba rekonsiliasaun paz, konstrusaun paz iha Timor Leste liu-liu iha momentu neebe mak kritiku agora neebe ita koalia kona-ba buat sira hanesan nee,” katak nia.
Nia hatutan tan katak, iha hasoru malu nee koalia mos kona-ba rekonsiliasaun pas iha Timor Leste, liu-liu liga ho situasaun kritiku agora nian.
Iha hasoru malu nee Prezidente Republika Jose Ramos Horta hatoo sentidu orgulhu hodi hasoru malu ho Dewan Solidaritas Mahasiswa Pemuda Pelajar Timor Timur, husu atu implelementa planu no programa neebe iha ho diak.
Depois prezidente iha maneira neebe mak amigavel konta istoria nia esperiensia sira nee no nia hakarak mos atu koopera fo apoiu ba Dewan Solidaritas Mahasiswa Pemuda Pelajar Timor Timur nia.
(eme)
