DILI, STLTIMORLESTE.com – Ministeriu Edukasaun (ME) iha tinan kotuk distribui ona kaderneta eskolar hamutuk rihun 60 ba eskola sira.
“Kaderneta ita distribui kedas iha tinan uluk ona, ba ensinu baziku primeiru, segundu no terseiru siklu ita distribui ona 60 mil, ba terseiru siklu 30 mil, ba Sekundáriu 40 mil, maibe ba tinan ida nee nian ita produs hela, fim de ano mak ita foin fo ba para ita nian estudantes foun neebe atu rejistu ba tinan oin, nee duni ita fo ona tinan uluk,” esplika husi Koordenador Gabinete Unidade Kurrikulu Nasional iha ME, João Mau Pelu ba STL iha ME Kinta nee (16/07/2026).
Nia dehan, husi Diresaun ida nee distribui nafatin kaderneta eskolar ba eskola balun neebe karik menus kaderneta, nee husi ME liu husi diresaun ida nee distribui nafatin kaderneta, tanba eskola balun kompleta kaderneta, neebe tinan kotuk distribui ona.
Nunee mos Diretor Servisu Edukasaun Munisipiu Ainaro, Patricio da Costa Magno hatete, eskola 10 nunee mak sei menus kaderneta, tanba bainhira eskola 10 nee hatoo mai para husi SEM bele halo pedidu ba iha diresaun kurrikulu nasional, hodi bele fo resposta konaba asuntu menus kaderneta nee, atu nunee ema bele fo tan kaderneta no sertifikadu pre eskolar ninia.
“Ita nian eskola 10 nunee maka sei menus kaderneta, tanba bainhira eskola 10 nee hatoo mai para husi SEM bele halo pedidu ba iha diresaun kurrikulu nasional, hodi bele fo resposta konaba asuntu menus kaderneta nee,atu nunee ema bele fo tan kaderneta no sertifikadu pre eskolar ninia,” nia informa.
Iha sorin seluk, Diretor Nasional Ensinu Sekundariu iha ME, Benjamin Gomes da Cruz Fernandes hatete, kaderneta sira nee pas parte husi kurrikulu ninia, maibe kurrikulu nafatin halo sira nian servisu.Ministeriu Edukasaun (ME) distribui livrus no kaderneta eskolar depende ba nesesidade eskola idak-idak nian.
“Ami halo distribuisaun livrus no kaderneta ba eskola sira bazeia ba nesesidade eskola ida-idak nian, maibe ME rezolve bazea ba nesesidade eskola nian,” haktuir nia.
Ihs fatin seluk Diretor EBC Manleuana, Carlos Correia hatete, konaba kaderneta no livrus sufisiente hela ba estudantes sira, tanba bainhira sei menus maka husi parte eskola presiza halo pedidu ruma ba Ministeriu relevante, hodi bele fo apoiu ba eskola.
“Hau hanoin konaba kaderneta no livrus sufisiente hela ba estudantes sira, tanba bainhira sei menus maka husi parte eskola presiza halo pedidu ruma ba Ministeriu relevante, hodi bele fo apoiu ba eskola,” nia informa.Sekundariu iha ME, Benjamin Gomes da Cruz Fernandes hatete, livrus no kaderneta sira nee pas parte husi kurrikulu ninia, maibe kurrikulu nafatin halo sira nian servisu.
(jac)
