DILI, STLTIMORLESTE.com – Ministeriu Edukasaun (ME) liu husi Diresaun Nasional Edukasaun Inkluzivu Asaun Sosial Eskolar (DNEIASE) apoiu ona material hanesan besi, kalen no baut ba eskola 13, neebe afeita ba dezastre naturais iha tinan 2025.
Liafuan nee hatoo husi Direitor Nasional Edukasaun Inkluzivu Asaun Sosial Eskolar, Fernando Soares ba jornalista STL iha nia knaar fatin, Tersa nee (10/06/2025).
“Material neebe mak ita fo apoiu nee mak hanesan kalen, besi no baut, Munisipiu Dili 3, EBF Mota Ulun, EPE. Eaperansa Liquintay, ESG. FINANTIL, Munisipiu Ainaro 1, EBF Denitete, Munisipiu Likisa 1 EBF Railuli Bazartete, Munisipiu Vikeke 2, EBC Bimali, EBF Bimali, Munisipiu Ermera 5, EBC 20 Agosro Ermera, EBC Ponilala, EBC Baboe leten, Ebf Orema, EBF Cucara, Munisipiu Aileu 1, ESG Dom Tomas Lequidoe,” nia dehan.
Fernando dehan, eskola neebe seidauk halo distribuisaun nee hamutuk 11, Munisipiu Bobonaro 3, EBF Sulilaran, EBF Ozo no EBC Zildapil. Munisipiu Ermera 5, EBF Hatete, EBF Otete, EBF Manulete, EBF Huhurlelo no EBF Talo. Munisipiu Vikeke 2, EBC Cazu Laran no EBF Wehalik. Munisipiu Lautem 1, EBF Lereadu, total afetadu 24, EPE 1, EB 21, ESG 2, eskola neebe seidauk halo distribuisaun razaun kondisaun estrada la diak.
Iha fatin seluk, Diretor Servisu Edukasaun Munisipiu Ainaro, Patricio da Costa Magno dehan, kona-ba eskola estragus husi udan no anin ba tinan ida nee, iha Munisipiu Ainaro eskola ida deit, maibe sira halo pedidu ba nasional hetan ona apoiu no eskola refere hadia ona, hetan apoiu material emerjensia hanesan kalen ho besi.
(eme)
