DILI, STLTIMORLESTE.com – Diresaun Servisu Edukasaun Munisipiu Dili rekomenda ba Ministeriu Edukasaun (ME) atu tau konsiderasaun ba sira nian pedidu proposta.
Dehan Diretor Edukasaun Munisipiu Dili, Sabino Perreira liu husi ninia aprezentasaun iha CCD, Segunda nee (06/01/2025).
“Husu ba ME, liu-liu parte relevante atu tau konsiderasaun ba SEM Dili nian pedidu ka proposta neebe ami direji ba, maske DSEM Dili iha MoU ho MAE nia okos. Hadia linha koordenasaun husi nasional ho Diresaun SEM Dili tuir kanal kona-ba servisu. Labele diresaun nasional koordena direita ba direjente eskola hodi indika manorin ou estudante sira direitamente sem konhesimentu ba SEM,” dehan nia.
Maibe nia dehan, halais prosesu atendimentu ba SEM nian pedidu hanesan apoiu meza no kadeira ba eskola sira neebe hetan projeitu komunitariu, kompanhia entrega ona xave ka inaugura ona fulan tolu ona, maibe meza no kadeira seidauk iha. Husu ba parte relevante kolokasaun bolsa haree mos DSEM Dili nia proposta, hodi koloka manorin sira tuir nesesidade.
“Apresiasaun ba ME, uza ita boot sira nian matenek hakarak hadia Ministeriu Edukasaun ida neebe kualidade, loke vagatura bolsa kandidatura ba nível pre eskolar no ensinu baziku hamutuk ho CFP kria sistema teste eletronika ida neebe difisil, atu manipula no halo kedas kolokasaun too faze datolu, hodi responde ba kuadru pesoal kada eskola,” dehan nia.
(jac)
