DILI, STLTIMORLESTE.com – Governu liu husi Ministeriu Juventude Desportu no Kultura (MJDK) no Sekretariu Estadu Arte no Kultura (SEAK) hamutuk ho ekipa Komisaun Tekniku Apoiu (STA), hahu observa kampu infraestrutura ba jogu Comunidade dos Países de Língua Portuguesa (CPLP) nian.
Bainhira remata halao observasaun, Sekretariu Estadu Arte no Kultura (SEAK), Jorge Soares Cristovao ba jornalista sira iha Estudiu Munisipiu Dili, Kolmera, Kuarta nee (26/02/2025) hatete, infraestrutura ba preparasaun jogu CPLP nee importante tebes hodi observa no hadia, nunee utiliza ba eventu boot jogu CPLP.
“Ohin loron ekipa delegasaun STA neebe inklui ho xefe misaun sira, neebe akompanha hodi vizita preparasaun ba ita nia abertura jogu neebe ohin observa infraestrutura ba kampu neeebe atu simu jogu modalidade nian, nuneee ohin ita nia enjenheiru no tekniku husi Ministeriu Juventude Desportu no Kultura nian haree no ami esplika katak aprosima semana halo reaabilitasaun ba estadiu Munisipiu Dili nee, tanba prosesu lao ona,” dehan nia.
Nia dehan, infraestrutura estadiu referidu nee presiza hadia nia kondisaun mak tenke halo reaabilitasaun. Ohin neee presiza duni halo reaabilitasaun, tanba hotu-hotu hatene katak, iha enseramentu jogu nee sei hetan partisipasaun husi Ministeriu Juventude Desportu, tanba nee presiza hadia duni kondisaun.
Aleinde nee liga kona-ba orsamentu reabilitasaun, koalia ho AND, tanba sira mak hatene prosesu orsamentu no infraestrutura nee presiza halo reabilitasaun emerjensia.
Nia hatutan, prosesu reabilitasaun MJDK servisu hamutuk Ministeriu Planeamentu ho Ajensia Nasional Dezenvolvimentu, neebe halo verifikasaun ba kustu hodi halo preparasaun ba reabilitasaun, no ohin ekipa STA, Jorge de Carvalho haree ona fatin nee.
(eme)
