DILI, STLTIMORLESTE.com – Ekipa husi orgaun eleitoral husi STAE no CNE relata preparasaun ba eleisaun Prezidensial neebe sei halao iha tinan 2027 ba Prezidente Republika Jose Ramos Horta.
Bainhira remata hasoru malu, Visi Prezidente Komisaun Nasional Eleisaun (CNE), Domingos Bareto ba jornalista sira iha Palasiu Prezidensial Nicolau Lobato, Bairo Pite Segunda (17/08/2026) hatete, ohin mai relata preparasaun ba eleisaun Prezidensial ba Prezidente Republika Jose Ramos Horta.
“Ohin ami enkontru ida ho Prezidente Republika hodi hatoo preparasaun CNE nia ba eleisaun Prezidensial nia neebe sei akontese iha 2027. Ami aprezenta mos katak ami nia mandatu CNE nia neebe mak remata ona iha fulan ida nee ida nee mak ami relata ba sua exelensia Prezidente Republika,” dehan Visi Prezidente CNE.
Iha hasoru malu nee Preziente Republika husu CNE nia preparasaun ba eleisaun Prezidensial, iha biban nee Visi dehan CNE durante nee halo ona nia preparasaun edukasaun sivika, enkontru ho partidu politiko sira, halo Tolsow.
Visi PR CNE hatete, konaba preparasaun ba eleisaun Prezidensial nee hein Prezidente Republika dekreta data lai mak foin sira halo preparasaun nee ba komisariu foun sira nee mak mai tanba daudaun nee sira nia mandatu atu remata ona.
Karik durante mandatu fo sansaun ba partidu neebe mak laiha sede nee hira? Hatan ba kestaun nee visi Prezidente CNE hatete lei nee foin aprova no dadaun nee sira tun ba terenu fo hatene ona ba partidu Politiko sira no tempu ba sira prepara aan tanba lei foin vigora.
Antes nee Prezidente Republika Jose Ramos Horta hatete, eleisaun Prezidensial nee propoin vota livre oinsa ho CNE nia preparasaun ba ida nee? hatan ba kestaun nia hatete CNE nee orgaun tekniku, orgaun implementador, halo alterasaun lei CNE kumpre no implementa.
Alterasaun lei mak importante, presiza alterasaun lei tanba CNE orgaun implementador ami implementador,” katak nia.
Iha fatin hanesan, Diretor Jeral, Sekretariu Tekniku de Administrasaun Eleitoral (STAE), Elviro Fernandes Moniz hatete ohin mai relata preparasaun neebe STAE no CNE iha ba Xefe Estadu.
“Ohin sua exelensia Prezidente hatoo para depois STAE ho CNE prepara diak liu tan prosesu sira hotu tanba ohin ami partila deit imformasaun, sua exelensia Prezidente hakarak rona preparativu saida mak STAE no CNE nuudar orgaun eleitoral,” katak nia.
Diretor Jeral STAE hatete konvite ida ohin mai nee atu partisipa imformasaun ba Prezidente Republika para iha imformasaun balun nunee Prezidente bele iha imformasaun.
Iha hasoru malu nee STAE mos aprezenta nia preparasaun medida saida deit mak STAE halo para bele hasoru eleisaun Prezidensial, no preparasaun STAE nia ida mak halo resensiamentu laos iha rai laran deit maibe iha rai liur mos.
“Nee mak ohin ami aprezensa ba aprezenta ba sua exelensia Prezidente Republika, numeru eleitores neebe resensiadu tiha ona, numeru eleitore neebe mak aktualizado ho Biometriku nia no aprezenta mos iha rai liur bainhira mak halo atividade, depois STAE sei partila imformasaun sira nee iha formatu ida hanesan relatoriu ida para bele sua exelensia hatene,” katak nia.
Prezidente Republika Jose Ramos Horta husu Orgaun eleitoral hanesan STAE no CNE idak idak halo nia funsaun no halo preparasaun ho diak nunee eleisaun Prezidensia Republika neebe sei halao iha 2027 bele lao ho diak no organizado.
(eme)
