DILI, STLTIMORLESTE.com – Embaixador husi UEA mai Indonezia no Timor Leste (TL), Abdulla Salem kongratula TL neebe selebra nia restaurasaun independensia ba dala 24, neebe selebra iha loron 20 fulan Maiu tinan 2026.
Embaixador husi UEA mai Indonezia no TL, Abdulla Salem hatoo lia hirak nee ba jornalista sira, bainhira remata halo enkontru ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Tersa (19/05/2026).
“Hau hatoo feliz Loron Independensia ba Timor Leste neebe selebra iha loron 20 fulan Maiu, hau sente onradu no privilejiu tebes hodi hare sua exelensia Prezidente Republika Timor Leste ohin dader,” dehan Embaixador.
Iha biban nee embaixador hatutan tan katak, iha hasoru malu ho Prezidente Republika koalia mos assuntu barak liga ho relasaun bilateral nomos apoiu sira neebe UEA sei apoiu ba Timor Leste.
“Ami iha enkontru furak ida ami diskute ona kona-ba area barak. Hau hatoo ona kumprimentus husi Sua Alteza Mammad bizarra Alan prezidente Emiradu Arabe Unidu nian. Ba Sua Exelensia Prezidente Republika Jose Ramos Horta, no Relasaun entre Emiradus Arabes Unidus no no Timor Leste metin,” katak nia.
Nia hatete, sira mai iha Timor Leste atu asiste mos selebrasaun Timor Leste nia neebe selebra iha 20 maiu hodi komemora indepedensia ba dala 24, nomos partisipa mos atividade seluk tan neebe sei selebra iha Timor Leste.
“No mos atu tuir inaugurasaun ba akomodasaun estudante feto nian neebe maka Grant mai hosi Emiradu Arabe Unidu. sei akontese mos iha loron hanesan Loron Independensia nian. iha loron 20 fulan Maiu ami mos diskute ona kona-ba kompromisu ho Emiradus Arabes Unidus iha,” katak nia.
Nia hatutan tan katak, iha hasoru malu nee koalia mos konaba programa formasaun ba diplomata sira. Iha Akademia diplomatika neebe hein katak ida-nee sei akontese.
Espera katak iha parte datoluk trimestre dahaat tinan ida-nee nian tenke asina. No depois nee sira sei bele halao programa formasaun sira-nee.
Iha hasoru malu nee diskute mos konaba Kolaborasaun. Karik tipu projetu sira neebe diferente bele haree duni konaba infra-estrutura area turizmu nian.
Nasaun rua iha relasaun neebe diak entre parte rua no relasaun ida-nee sei iha nafatin hatudu rezultadu neebe diak hodi hametin liu tan lazu amizade.
Iha biban nee Prezidente Republika Jose Ramos Horta hatoo benvindu ba Embaixador husi UEA mai Indonezia no TL, Abdulla Salem neebe mai partisipa komemorasaun Timor Leste nia indepedensia neebe sei selebra iha 20 maiu alende nee koalia mos konaba koperasaun rai rua iha futuru.
(eme)
