Embaixador Rui Hanjam Halao Despedida Ho Primeiru Ministru

Embaixador Rui Hanjam Halao Despedida Ho Primeiru Ministru, Kay Rala Xanana Gusmão. (Foto: Media GPM)

DILI, STLTIMORLESTE.com – Embaixador Extraordináriu no Plenipotensiariu bá Emiradus Árabes Unidus (EAU), Rui Manuel Hanjam halao despedida ho Primeiru Ministru (PM), Kay Rala Xanana Gusmão, no aprezenta asuntu kooperasaun neebe sei estabelese ho EAU durante mandantu.

Tuir Embaixador Extraordinariu no Plenipotensiariu ba Emiradus Árabes Unidus (EAU), Rui Hanjam aprezenta ba Primeiru Ministru, iha Palasiu Governu, Sesta (31/01/2025). Embaixador aparezenta akordu pendente kona-ba Dupla Tributasaun neeba Timor Leste (TL) implementa ona ho nasaun Portugál no EAU mós hakarak atu implementa.

“Hatoo ba PM kona-ba Lei Investimentu neebe presiza tebes atu Governu aselera prosesu, nunee laiha dúvidas bainhira investidor sira husi EAU hakarak mai halo investimentu iha TL. Neebe dader nee atu aranka ba EAU, tanba nee mak hau mai halo despedida no rona orientasaun ruma husi Primeiru Ministru”, katak Embaixador EAU, Rui Manuel Hanjam, liu husi komunikadu neebe STL asesu, Sesta (31/01/2025).

Iha okaziaun nee, Xefe Governu husu atu Embaixador haree no buka kompriende kona-ba politika rai laran, buka defende interese nasional no akompanha mos kona-ba mudansa sira neebe akontese iha nivel global.

Xanana Gusmão fo hanoin atu haree fila-fali kona-ba antes nee delegasaun EAU hakarak apoia TL iha area saude, liu-liu konstrui dormitoriu iha komunidade Canosiana, hodi halibur labarik feto rural sira neebe mai eskola iha Dili.

Ikus liu Embaixador agradese ba konfiansa neebe Prezidente Repúblika (PR), José Ramos Horta, Primeiru Ministru (PM), Kay Rala Xanana Gusmão, Ministru Negosiu Estranjeiru no Kooperasaun (MNEK), Bendito dos Santos Freitas no parte hotu neebe fo ona konfiansa atu sai hanesan reprezentante foun Estadu TL iha EAU.

(gui)

Share it :

Leave a Reply

Your email address will not be published. Required fields are marked *