DILI, STLTIMORLESTE.com – Estudantes husi Eskola Hotelaria no Turizmu Bekora hamutuk 50, neebe mak finaliza ona formasaun iha língua inglês ho japaun.
“Tinan ida nee seidauk hahu ho atividades extra ninia, hanesan estudantes sira partisipa iha formasaun, maibe depois de paskua mak komesa atividade extracurricular. Provolta de 50 estudantes, mak konsege finaliza ona sira nian formasaun ba lingua rua neebe mensiona, hanesan lingua japaun no inglês ninia,” dehan Diretor Eskola Hotelaria no Turizmu Bekora, Charles F. Guterres ba STL iha Bekora, Tersa nee (31/03/2026).
Nia hatutan, lingua Japaun 15 estudantes, lingua Inglês 35 estudantes, estudantes sira partisipa atividades extra nee iha loron Sabadu deit, lingua inglês nain 10 (estudante Dep. Inglês husi Cristal Japaun nain 1 ( JICA’ volunteer), estudante sira neebe tuir formasaun refere bele koalia lingua rua nee iha level basic no pre intermediate.
“Ho atividades extra neebe mak loke formasaun ba estudantes sira nee diak tebes, atu nunee molok sira remata estudu, sira bele iha konhesimentu neebe mak diak ba lingua rua nee, tanba iha progresu diak, bainhira estudantes remata iha formasaun nee sira bele koalia diak lingua rua nee,” nia deklara.
Iha parte seluk, Diretor Eskola Sekundariu Jeral no 4 Setembru Balide, Sergio A. da Cruz hatete, iha loron Sabadu estudantes sira sempre partisipa iha atividades extra kurikuler, tanba atividades refere importante tebes.
“Iha loron Sabadu ami nian estudantes sira sempre partisipa iha atividades extra kurikuler, tanba atividades refere importante tebes,” nia dehan.
(jac)
