DÍLI, STLTIMORLESTE.com – Eskola Sekundária Tékniku Vokasionál (ESTV) Kalu-Heda, iha Uatulari, Munisípiu Viqueque, enfrenta falta manorin no husu apoiu manorin foun ba área Informatika, Multimedia no Téknika Agrária.
Adjuntu ESTV Kalu-Heda, Augusto Marques, hatete ba STL iha salaun Ian Martin, Balide, Kuarta-feira (28/10/2026), katak eskola ne’e presiza manorin tan atu responde ba nesesidade aprendizajen estudante sira, tanba manorin ne’ebé iha seidauk sufisiente.
Nia rekomenda ba Ministériu Edukasaun (ME) atu rekruta manorin foun, inklui manorin Téknika Agrária na’in rua no manorin área Informátika na’in haat.
“Ami nia rekomendasaun ba ME atu bele rekruta tan manorin ba ami nia eskola, Téknika Agrária na’in rua no IT na’in haat. Tanba ami seidauk iha trator, maski iha tempu udan, ami presiza trator boot atu fila rai no bele hasa’e produsaun. Se la iha trator, ida-ne’e sai difikuldade boot ba ami,” nia esplika.
Nia hein katak, apoiu manorin no ekipamentu agríkola bele ajuda eskola atu hadi’a prosesu hanorin no aprende, liuliu iha área téknika ne’ebé presiza prátika.
(jac)
