DILI, STLTIMORLESTE.com – Eskola ESTV-IT 28 de Novembro Becora-Díli presiza Komputador sia nolu ba estudantes sira, hodi bele halo pratika.
Haktuir Diretor Eskola ESTV-IT 28 de Novembro Becora-Díli, Tomas Pinto ba STL iha nia knaar fatin Kuarta nee (10/06/2026).
“No sei tuir etapa segundu mos hanesan maibe bainhira relatório etapa primeiru ba mak foin fó tan.Relasiona ho laboratorium nian liu-liu ba Komputadores mak presiza tebes nee nesesidade importante liu sira seluk tamba estudante nain 6- 7 Mak hetan komputador 1 hodi pratica entaun la sufisiente. Ami presiza komputador 90 ba departmentu 4,” dehan nia.
Tomas hatutan, se bele kada professores bele hetan komputadór ida-idak hodi nune’e professores sira bele halo aprezentasaun liu husi projetor no uza PPT, iha kada sala de aula sira nee importante teb-tebes, atu nunee bele fasilita estudantes sira iha pratika ninia.
“Ami nian departamentu hat nee estudantes sira sempre halo pratika, nee duni depois de teoria, ita nian estudantes sira halo pratika, nunee ita tenke iha ekipamentus ba pratika ninia nee importante tebes,” nia afirma.
Nunee mos Diretor Eskola Hotelaria no Turizmu Becora, Charles F. Guterres hatete, ekipamentus pratika ninia nee balun ba oin presiza aumenta tan, hanesan komputador nee sira sei presiza, oinsa ba oin aumenta tan komputador ba estudantes sira.
“Ami nian ekipamentus pratika ninia nee balun ba oin presiza aumenta tan, hanesan komputador nee sira sei presiza, oinsa ba oin aumenta tan komputador ba estudantes sira, tanba ita nian ensinu tekvo nee, estudantes sira tenke halo pratika, laos simu deit teoria maibe tenke ho pratika,” nia esplika.
(jac)
