DILI, STLTIMORLESTE.com – Ezekusaun Orsamentu Jeral Estadu (OJE) 2024, Munisipiu Ermera nian atinji ona 84%.
Tuir Prezidente Autoridade Munisipiu (PAM) Ermera, José Soares katak, sira nia ezekusaun lao ho diak, no progresu barak mak sira halao ona.
“Ezekusaun ba orsamentu 2024 atinji ona 84%, nee too iha dia 17 Dezembru, maibe hahu husi 18 Dezembru mai too ohin nee ami halo tan ezekusaun balu sei bele atinji 90%”, informa PAM Ermera, José Soares ba STL liu husi telefone, Kinta (19/12/23).
Nia afirma, ohin parese Minsteriu Finansas taka ona livru ezekusaun, maibe ezekusaun balu neebé sei halo tan, neebé sei bele atinji too 90%.
PAM Ermera nee klarifika, progresu bá ezekusaun née mak ba Merenda Eskolar, ba projetu sira, nunee mos ami ezekuta lao tuir kategoria neebe iha, hanesan Bens no Servisu, Salariu Vensimentu, Transferensia Publika no seluk tan, neebe agora projetu balu seidauk ezekuta nee sira aprova tiha ona hein ezekusaun sei lao tan.
Enkuantu atu selu Salariu Desimu Terseiru, iha hela difikuldade oituan, maibe ohin Ministeriu Finansas halo hela ezersisiu atu muda osan balu, ba atu selu Salariu Desimu Terseiru.
Tuir nia, hela 16% mak seidauk ezekuta, maibe espera toi Dezembru nee remata sei atinji 90%.
(gui)
