BAUCAU, STLTIMORLESTE.com – FALINTIL-Forsa Defeza Timor Leste (F-FDTL) realiza misa solene nuudar parte husi atividade komemorasaun aniversariu FALINTIL ba dala 51, neebe atu realiza iha foho Matebian, Postu Administrativu Matebian, Munisipiu Baucau.
Misa solene nee realiza iha igreja Paroquia Santo António Vila Antiga Baucau, prezide husi Padre Manuel da Silva Ximenes, SDB, hetan partisipasaun husi Autoridade Militar no Sivil inklui komunidade no estudante sira.
Misa solene nee halao hodi komemora no fo omenajen ba luta no sakrifisiu husi kombatentes FALINTIL sira neebe durante tempu okupasaun luta ba independensia Timor Leste.
Atividade nee mos sai hanesan momentu importante ba membru F-FDTL, veteranu no komunidade atu hamutuk hanoin fila fali istoria no kontribuisaun FALINTIL iha luta libertasaun nasional.
Komemorasaun aniversáriu FALINTIL ba dala 51 sei kontinua ho atividade sira seluk, ho objetivu atu prezerva espirito luta, unidade no patriotizmu ba jerasaun ohin no futuru.
(tom)
