DILI, STLTIMORLESTE.com – Xefe familia 72 neebe daudaun nee okupa ou hela iha areador eskola 10 iha Munisipiu Dili no eskola balu hahu halo ona identifikasaun.
Rodolfo Henrique Aparicio hanesan Sub Inspetor jeral iha Ministeriu Edukasaun hatoo kestaun nee ba jornalista STL iha city 8 Manleuana, Dili, Kinta nee (24/04/2025).
“Identifika okupantes iha areador eskola, hanesan hau koalia beibeik ona, Dili nee okupantes nee iha 72 familia neebe okupa areador eskola iha kapital Dili, iha fulan hira liu ba hau ho ekipa husi ME hamutuk ho Estatal halo ona identifikasaun ba okupantes areador eskola iha kapital Dili,” nia haktuir.
Nia akresenta, EBC 10 de Dezembru nee estadu nian no estadu mak halo konstrusaun, liu-liu ba relasaun eskola ninia ou areador eskola ninia, 72 familia okupa eskola 10 iha Munisipiu Dili, nee ensinu baziku, sekundariu, tekvo mak laiha.
Nunee mos Antonio Augosto Guterres hanesan Diretor Jeral Dezentralizasaun no Governu Lokal dehan, daudaun nee identifika uluk lai, sese mak iha nee ba, mai husi neebe, depois notifika prazu tuir regras bele halo asaun, tolu mak hakarak uza, primeiru identifika, segundu notifika, terseiru halo asaun, Bidau agora daudaun iha prosesu identifikasaun, tanba relatoriu mai tiha ona.
(jac)
