DILI, STLTIMORLESTE.com – Sekretariu Jeral Federasaun Futebol Timor Leste (FFTL), Grigorio Correia hatete, nia parte prevee orsamentu rihun US$ 40 hodi realiza kongresu, hili Prezidente FFTL no membru ezekutivu.
Nia dehan, preparasaun ligadu ba kongresu neebe sei realiza iha loron Sabadu (11/01) nee atinji ona 100%, neebe aban ita halao deit iha Hotel Novu Turizmu.
“Kona-ba orsametu nee ita prevee hodi organiza kongresu nee hamutuk rihun US$ 30 ka too rihun US$ 40 hodi realiza kongresu hodi hili Prezidente FFTL no membru ezekutivu,” hatete Grigorio ba jornalista sira iha edifisiu FFTL, Sesta (10/01/2025).
Nia hatutan, kandidatu Prezidente FFTL nee pakote iha rua hodi kompleta tinan ida mak hanesan Nilton Gusmão no ida seluk mak Estanislao Baptista. Aleinde kandidatu ba membru ezekutivu nian mak hanesan Domingos Caero ho Henrique Augusto.
“Hau ladun hatene sira nia preparasaun nee lao too iha neebe ona, no kandidatu neebe mak sai ita nia Prezidente FFTL, nia mai iha nee ita hotu-hotu tenke kolabora hodi servisu durante tinan, tanba tinan oin mai nee ita sei halo fali kongresu foun hodi hili estrutura tomak,” dehan nia.
Entretantu Kongresu FFTL nee sei observa direita husi Asia Futebol Asosiation (AFC), Federations Internasional Futebol Asosiations (FIFA) no AFF.
(alb)
