DILI, STLTIMORLESTE.com – Filipina re-afirma pozisaun atu fo apoiu bá Timor Leste ninia adezaun ba Organizasaun Rejional Association of South East Asian Nations (ASEAN).
Embaixadora Filipina iha Timor Leste, Mary Anne A. Padua hatoo asuntu nee durante audiénsia ho Primeiru Ministru (PM), Kay Rala Xanana Gusmão iha Palásiu Governu, Sesta nee (07/02/2025).
“Hau ho Primeiru Ministru espesifikamente diskute kona-ba Timor Leste nia adezaun ba ASEAN. Antes nee hau destaka ba ami nia eskritóriu ASEAN nian iha Manila dala rua no iha ona esperiénsia balu iha ASEAN. Ha’u informa ba Primeiru Ministru katak, hau sei esforsu ho diak liu atu lori Filipina fo apoiu ba Timor Leste,” Mary Anne hateten.
Embaixadora aproveita hodi aprezenta aan ba Xefe Governu nuudar reprezentante Estadu Filipina nian iha Timor Leste, hodi garantia servisu hamutuk entre nasaun rua durante mandatu.
Primeiru Ministru mos apresia no sublina atu hametin relasaun bilaterál antre nasaun rua, tanba Filipina mos involve hodi fo apoiu ba TL nia luta ba independensia.
(alb)
