Foinsae Labele Rende Hodi Aprende

Manager Asosiasaun Haburas Futuru Naroman ba Timor (AHFNT), Samuel dos Santos Pereira Marques. (Foto: STL/EST 2)

DILI, STLTIMORLESTE.com – Setor edukasaun sai fator importante ba dezenvolvimentu atu transforma mentalidade diak iha sosiedade, tanba nee foinsae labele rende atu aprende iha edukasaun noun-formal, hodi aumenta kapasidade no mentalidade neebe diak.

Haktuir Manager husi Asosiasaun Haburas Futuru Naroman ba Timor (AHFNT), Samuel dos Santos Pereira Marques ba STL iha nia knaar fatin Kolmera, Kinta (30/01/2025).

“Edukasaun noun-formal nee sai parte ida neebe atu mentaliza no transforma objetivu husi ema ida ba ema seluk, hodi bele kapasita nia aan iha pratika no teoria oin-oin, liu-liu lingua hanesan ingles, portuges, komputasaun, no parte sira hotu bele aprende ho diak,” dehan nia.

Tuir Manager AHFNT, Samuel nee afirma, hanesan foinsae labele rende no tau atu aprende, tanba atu buka sai ema matenek no iha kapasidade presiza inklina iha setor edukasaun, liu-liu edukasaun noun-formal nian, tanba iha setor ida nee bele sai fator importante hodi transforma mentalidade no kapasidade diak iha sosiedade.

Tanba foinsae barak mak daudaun nee buka kursu, oinsa bele sai ba servisu iha rai liur, liu-liu Korea-sul, Australia, entaun nee hanesan motivasaun diak ba foinsae sira atu kontinua aprende, no prepara aan iha esperiensia no lingua sira, antes oportunidade mosu.

Iha parte seluk, Treinador husi Formasaun Parseiru Dezenvolvimentu Timor Leste (FPDTL), Afonso Nunes da Costa katak, setor edukasaun nee sai alvu prinsipal ba ema hotu, tanba bele motiva, orienta, eduka ema sai matenek, hodi transforma ba nia moris tomak.

Setor edukasaun mak sai save importante ba dezenvolvimentu iha mundu tomak, iha edukasaun mak iha etika no moral, iha edukasaun mak iha ema matenek ka intelektuais, atu forma objetivu ida tuir kapasidade neebe iha, hodi kontribui ba nesesidade sira hotu, liu-liu nesesidade individual no nasaun nian.

(EST 1)

Share it :

Leave a Reply

Your email address will not be published. Required fields are marked *