DILI, STLTIMORLESTE.com – Sekretariu Jeral G+7, Helder da Costa hatete, Timor Leste (TL) liu husi organizasaun G7+ promove naran diak TL iha mundu Internasional.
Sekretariu Jeral G+7, Helder da Costa hatoo lia hirak nee ba jornalista sira, bainhira remata enkontru kortejia ho Prezidente Republika, Jose Ramos Horta, iha Palasiu Prezidensial, Nicolau Lobato, Bairo Pite, Dili, Kuarta (11/12/2024).
“Ita Timor Leste liu husi ita nian Organizasaun G7+ ita promove naran diak G7+ nian no Timor Leste nia iha mundu Internasional. Ema admira, ita haree deit pais sira iha CPLP laran, ita boot haree Giné Bissau no haree deit Mosambike agora atraves dezafiu oin-oin, Timor Leste país ida estavel no paíz ida ita haree agora dezenvolvimentu komesa lao ona,” katak nia.
Nia hatutan, husi ida nee trufu boot ida, neebe ema husi liur ema rekonhese, haree deit Prezidente Jisimpy mos rekonhese G7+ no Timor Leste ninia knaar, nunee mos Sekretariu Jeral ONU, purtantu husi atividade neebe TL halao durante nee hatudu vizibilidade, hatudu impaktu dezenvolvimentu iha Timor Leste país ida neebe estavel, país ida super-ati uma iha organizasaun multilatral sira nee iha nivel global nee orgullu boot ida.
Aleinde nee Sekretariu Jeral G+7 koalia mos konaba país membru CPLP no mos membru G7+ hanesan Giné-Bisau esforsu saida mak halo desde uluk kedas Timor Leste kontribui barak ona liu husi Bandeira G7+ ho mos Bandeira Timor Leste, Guiné-Bisau halo buat barak ona. Maibe agora Giné-Bisau agora nee atraves periodu difisil, purtantu saida mak G7+ bele bolu kontinua halo xamada hanesan buat ida karik apelu ba sira atu kontinua halao dialOgu, rekonsialiasaun entre sira atu país nee labele monu ba iha konflitu.
Prezidente Republika, Jose Ramos Horta mos ohin rejista pontu ida nee, no G7+ brifing Prezidente Republika, tinan oin mai sei halo buat barak hamutuk ho governu, Prezidente Republika membru estadu sira seluk.
Lembra katak buat sira nee hotu bainhira ba UN ema sempre nota G7+ nia prezensa, foin daudauk iha asembleia jeral nasaun unidas Prezidente Serilion hanesan Prezidente rotativa ba G7+ primeiru omen kolia naran G7+ iha asembleia jeral nasaun unidas iha Samit ida nee ba nuudar Timoroan sente orgulhu boot.
Prezidente Republika, Jose Ramos mos ohin konkorda katak mantein nafatin pas, estabilidade iha rai laran hodi nunee G7+halao servisu ho organizasaun internasionais sira seluk.
(eme)
