DILI, STLTIMORLESTE.com – Governu fo prazu loron 10 hodi kompanhia Pelican Paradise atu sai husi fatin, nunee kompanhia seluk neebe hakarak halo investimentu bele troka.
Lia hirak nee hatoo husi Primeiru Ministru Kay Rala Xanana Gusmão ba jornalista sira, bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nicolau Lobato, Bairo Pite, Kinta (16/04/2026).
Primeiru Ministru hatete, iha Konselhu Ministru deside Visi Primeiru Ministru halo kontaktu ho Kompanhia Pelican Paradise hodi fo prazu loron 10 haruka sai husi fatin, nunee kompanhia seluk neebe mak hakarak halo investimentu bele ba troka fali.
“Visi Primeiru Ministru Kalbuadi Lay kontaktu ho Pelican Paradise atu konkorda malu iha loron 10 sira sai, tanba iha ema seluk hakarak halo investimentu, ida nee mos bele ajuda ita nia preparasaun ba 2029,” katak PM Xanana.
Maibe antes nee Diretor Pelican Paradise Samuel Ong hatete, perojetu nee la lao tanba kauza husi Governu la fornese bee no eletrisidade, hatan ba kestaun nee Primeiru Ministru hatete, nee no ahi eletrisdade dada ona maibe kompanhia la halo, tanba nee fo prasu loron 10 atu sai husi fatin nunee kompanhia seluk bele kontinua.
“Ahi eletrisidade ada tiha ona, bee moos dada tiha ona, nia husu 100 milhões ital hanesan garantia, o riku nee o husu fali 100 ital milhões hodi garantia, neebe sira agora atu koalia nee laos tinan ida tinan rua kleur ona, maibe ita dehan katak se o bele o halo , se labele fo hotu fo rai fo eletrisidade maibe nia dehan bee dehan eletrisidade ami tenki tau eletrisidade nia hakarak tan saida, nia husu 100 ital milhões atu tau iha banku nuudar garantia nee ami dehan se o iha osan mak o mai laos ami mak fo fali garantia nebe buat nee sei lao sei fo loron sanulu,” dehan Primeiru Ministru.
Xefe Governu hatete, laiha substitui tanba neba nee pelican mak hakarak halo hotel halo buat sira nee nia sai ona atu liberta deit rai dehan fali atu substitui nee governa mak atu investe laiha.
Foin lalais Diretor Pelican Pardise Holdings Timor Leste, Samuel Ong dehan, kona-ba trazu husi projetu nee tanba kauza husi fornesementu bee no eletrisidade no empreza husu ona koperasaun no apoiu Governu nia ho pedidu depositu milaun uS$ 180 hodi garante komprimisiu governu nia ba projetu.
Nia mos esplika katak iha loron 1 fulan novembru 2024 depositu sei rai durante fulan 60 durante period konstrusaun no manutensaun ho objetivu atu garante obrigasaun hotu hotu Governu nia kumpre establidade relatoriu no fornesementu imfraestrutura nia.
Projetu nee antes nee Prezidente Republika Jose Ramos Horta ho eis Primeiru Ministru Taur Matan Ruak maka asina plaka no halo lansamentu fatuk dahuluk iha 25 novembru 2022 hodi halo konstrusaun otel fitun lima iha tasi tolu suku Tibar posto administrative Bazartete munsipiu Likisa.
(eme/EST 1)
