DILI, STLTIMORLESTE.com – Konselhu Ministru aprova proposta Rezolusaun Governu neebe aprezenta husi Komisaun Funsaun Publika, atu estabelese vaga ba promosaun pesoal Rejime Karreira Jeral Administrasaun Publika iha tinan 2026.
“Rezolusaun Governu nee estabelese ba tinan 2026, total vaga 276 ba promosaun funsionariu sira neebe integra iha karreira rejime jeral Administrasaun Publika,” haktuir nota komunikadu neebe STL asesu governu, Kuarta (05/08/2026).
Vaga nee sei korresponde ba porsentu lima husi total trabalhador sira neebe priense kriteriu promosaun iha grau profisional ida-idak.
Vaga sira nee fahe tuir mai 30 ba Tekniku Superior Grau A; 62 ba Tekniku Superior Grau B; 82 ba Tekniku Profisional Grau C; 74 ba Tekniku Profisional Grau D; 26 ba Tekniku Administrativu Grau E; no 3 ba Asistente Grau F.
“Rezolusaun nee mos determina alokasaun verba ho montante US$ 1.172.860,20, neebe sei uza hodi kobre despeza sira neebe mosu tanba promosaun, hodi kontribui ba valorizasaun karreira funsionariu publiku sira no hametin kapasidade no motivasaun Administrasaun Publika nian,” haktuir husi komunikadu.
Promosaun neebe hatuur iha Rezolusaun Governu nee sei hahu vigora iha loron 1 fulan Janeiru tinan 2027
(alb)
