DILI, STLTIMORLESTE.com – Primeiru Ministru (PM), Kay Rala Xanana Gusmão promote, Governu sei hametin sistema ezekusaun Orsamentu ho kualidade.
Xefe Governu hatoo lia hirak nee ba jornalista sira, bainhira remata enkontru semanal ho Prezidente Republika iha Palasiu Prezidensial, Nicolau Lobato, Bairo Pite, Dili, Kinta (30/01/2025).
Nia dehan, ohin mai hasoru Prezidente Republika nee enkontru semanal hodi relata atividade Governu nian, no informa mos ba Preziente Republika katak, tinan ida nee Governu sei hametin sistema ezekusaun orsamentu ho kualidade.
“informa deit katak, hanesan baibain enkontru semanal informa ba Prezidente Republika, problema udan estraga fatin barak, liu-liu ita nia mota neebe ita la konkorda ita halo tiha mota lori fali fatuk mai ba sobu husi sorin, hau mos husu ba Prezidente tinan kotuk hau ba davos malirin demais, maibe nia dehan lae abitua tiha ona ,”dehan PM, Xanana.
Primeiru Ministru hatutan, informa mos ba Prezidente Republika kona-ba durante semana ida Governu responde konta Estadu 2025, ida nee atu esklarese deit katak Orsamentu Jeral Estadu 2023 Governu haree deit 1 Julhu too 31 Dezembru. Maibe haree ba konta Jeral Estadu neebe lakon no sosa barak-barak buat sira nee la mosu, maibe kala liu tiha ona.
“Hau mos informa ba Prezidente tinan ida nee ami sei hakaas aan atu hametin sistema ezekusaun orsamentu, mais ezekusaun ho kualidade, laos halo deit halo deit,” dehan PM, Xanana.
Iha biban nee, Primeiru Ministru dehan, iha hasoru malu nee koalia mos kona-ba asuntu husi rai liur nian, maibe labele fo sai ba publiku.
(eme)
