DILI, STLTIMORLESTE.com – Primeiru Ministru (PM), Kay Rala Xanana Gusmão husu Prezidente Republika (PR), Jose Ramos Horta, atu koordena ho Visi Primeiru Ministru nain rua hodi prepara festa do ano hanesan mos selebra natal no tinan foun, no taka kontas fim do ano.
Lia hirak nee hatoo husi Prezidente Republika Jose Ramos Horta liu husi diskursu iha Palasiu Prezidensia Bairo Pite, Kinta (05/12/2024).
“Primeiru Ministru ohin mai kontente los no halo ho kualidade, segundu Primeiru Ministru kontente haree Galeria iha palasiu nia kontente dehan nee hatudu arte sensiblidade arte ba kultura ba dekorasia nia fo parabens ba ita, nia apoiu mos iniasiativa neebe Governu halo ho Prezidensia, nia husu ba hau koordena ho Visi Primeiru Ministru nain rua, Turizmu no Dezenvolvimentu Rural para prepara festa fim do ano 31 Dezembru,” dehan PR Horta.
Prezidente Republika hatutan, 31 Dezembru tinan kotuk besik meanoite Primeiru Ministru Kay Rala Xanana Gusmão halai ba Ministeriu Finansas no sira koordena liu husi dizital internet, 31 kalan besik 01 Governu entrega relatoriu kontas fim do ano ba ministeriu ka ba parlamentu, nee hatudu rigorozamente 31 Dezembru taka kontas do ano no osan hotu-hotu neebe iha transfere fila fali ba tesouru.
Prezidente Republika hatete, 31 Dezembru rigorozamente taka kontas ano nufim osan hotu-hotu neebe iha transfere ba tezouru no Primeiru Ministru hakarak halo fali iha tinan ida nee hanesan tradisaun.
Iha biban nee Prezidente Republika hatutan, antes nee PR no Primeiru Ministru rasik deklara ona katak, Timor Leste sei tama iha ASEAN iha 2025.
(eme)
