DILI, STLTIMORLESTE.com – Prezidente Republika (PR), Jose Ramos Horta hatete, jornalista Senior Otelio Ote, prosesu funebre iha Jardim Herois da Patria Metinaro nee desizaun husi Xefe Estadu.
Prezidente Republika Jose Ramos Horta hatoo kestaun nee ba jornalista sira iha salau Funsaun Publika Kaikoli, Tersa (05/05/2026) hatete, labele stres ho desizaun husi Prezidente Republika neebe foti desizaun hakoi jornalista senior Otelio Ote iha Jardim Herois da Patria.
“Hau la hatene sira kestiona, la buat ida Timor nee 1 milhaun no 400 mil bele, sempre iha balun la konkorda ho ida nee, ida neeba, maibe sira la konkorda nee hau hatete apa, se feto ama, hau mak Prezidente favor lalika stres hein too Maiu 2027 mak Prezidente seluk, ita bee koalia ho Prezidente seluk ba agora nee hau nia desizaun atu honra jornalista ida, tanba ita honra barak-barak, veteranus sira honra duni hakruk ba sira, maibe luta nee laos halo deit ho frenti armadas, frenti diplomatika ka frenti klandestina, jornalista sira lubuk ida, uluk kedas tempu independensia servisu ho dedikasaun vensimentu laiha, vensimentu fraku los, jornalista ida fo formasaun ba nia kolega joven sira, hau koalia ho Konselhu veteranus sira konkorda kedas no tau nia iha jardim dos herois hanesan simbol ida, maibe ama sira apa sira la konkorda nee la buat ida, hein too Prezidente foun mai bele koalia ba,” dehan Prezidente.
Prezidente Republika hatete, antes foti desizaun ba dekretu prezidente hodi halo prosesu funebre jornalista Otelio Ote iha Metinaro, Prezidente rasik konfirma ho parte veteranus hatan ona, tanba nee hakoi iha jardim Herois Metinaro, tanba nee karik balun la konkorda prezidente foun mai mak bele hatoo fali ba.
Prezidente Republika hatete, jornalista barak mos uluk tempu Indonezia fo konstribuisaun makaas, maske sira ho vensimentu kiik no balun laiha maibe sira kontribui makaas.
(EST 1)
