DILI, STLTIMORLESTE.com – Prezidente Republika (PR), Jose Ramos Horta hatete, nia rona informasaun konaba diskusaun Fronteira Maritima (FM) ba ronda datolu neebe halao iha Singapura lao ho diak ho ambiente pozitivu.
Prezidente Republika Jose Ramos Horta hatoo kestaun nee ba jornalista sira, bainhira remata vizita funsaun publiku iha salaun KFP Kaikoli, Tersa (05/05/2026).
Prezidente Republika hatete, diskusaun Fronteira Maritima neebe partisipa direita husi Primeiru Ministru Kay Rala Xanana Gusmão konaba Fronteira Maritima iha Singapura rona informasaun katak situasaun lao diak no ho ambiente neebe pozitivu.
“Pelumenus hau rona mai husi enkontru neeba para lao diak los pozitivu ambiente pozitivu hau fiar prosesu sei kontinua kontinua nuudar pais rua relasaun metin vizinhu relasaun diak ita bele hatudu ba mundu dala ida tan hanesan uluk Timor-Leste ho Australia hatudu ba mundu kue diferendu konflitu politiku legal ita iha australia kona-ba fronteira maritima rezolvidu liu husi negosiasaun agora ita nia fronteira terestre falta deit metro ruma ba iha fronteira maritima bele rezolve liuhusi dialogu negosiasaun maun boot Xanana mak dirize agora dadaun no lao ho diak hau fiar iha tempu badak sei hetan solusaun ba problema rua nee ba asuntu rua nee fronteira terestere iha Oecusse nee iha Fronteira Maritima ho indonezia,” dehan Prezidente.
Prezideente Republika mos iha esperansa katak tempu badak sei iha rejultadu neebe pozetivu ba nasaun rua.
Diskusaun nee marka no halao diskusaun direita husi Primeiru Ministru Kay Rala Xanana Gusmao hodi halo diskusaun ba terseiru Ronda iha Singapura konaba fronteira maritima Timor Leste ho Republika Indonezia.
No diskusaun ba ronda da tolu nee hanesan kontinuasaun husi ronda daruak neebe halao iha fulan Agostu 2025 iha fulan dezembru 2025 iha Jogjakarta, Indonezia.
(eme)
