DILI, STLTIMORLESTE.com – Institutu Apoiu Dezenvolvimentu Emprezarial (IADE) apoiu fundu ba emprezariu hamutuk nain 21, ho total US$ 224.400.
Prezidente Ezekutivu IADE, Filomeno Marcelino Belo dehan, IADE hanesan Instituisaun governu neebe tinan-tinan sempre apoiu emprezariu sira, liu-liu mikro kiik medium empreza, aleinde formasaun kapasitasaun ba sira nunee mos fasilita para apoiu sira halo negosiu.
Tinan ida nee IADE iha programa rua para apoiu ba emprezariu sira liu-liu ba joven sira programa Ida mak fasilidade inklubasaun negosiu (FIN), emprezariu 21 Ita inkluba sira, Ita apoiu fasilita sira inkluba sira para tinan 2 ou 3 sira mos kaer emprezariu diak iha TL.
Nia dehan, empreza nain 21 mai husi territoriu laran tomak, maibe Munisipiu rua Ermera ho Oekusi, Oekusi laiha tanba area kobertura tinan nee provizioriu seidauk fo ba Oekusi iha Ermera, prosesu nee lao duni tais oituan entaun fora husi fatin rua laiha, fatin hotu-hotu iha.
“Fundu ami fo apoiu emprezariu sira total US$ 224.400 ba emprezariu 21,” hatete Filomeno ba jornalista sira iha Salaun IADE, Sesta (13/12/2024).
Nia hatutan, atu apoiu fundus nee nia prosesu mak simu sira nia proposta laos fo apoiu kedas, maibe sei liu husi prosesu kriteriu naruk tebes, tanba total proposta neebe tama tinan ida nee 41 proposta.
“Maibe ita tais ikus mai ita hetan deit proposta 21,” dehan Filomeno.
Nia informa, atividade neebe emprezariu halao hortikultura kuda pateka iha Manatutu kuda modo, kuda tomate, iha Baukau Seisal hakiak manu, ikan, inklui sira seluk, sira nee mak IADE apoiu ba sira loke matadouro foun nain fahi, apoiu sira produs ekipamentus tais nian, ba apoiu nee dala barak ona, tanba tinan-tinan sempre halo hahu kedas tinan hirak ba kotuk too agora.
Iha fatin hanesan, Prezidente Autoridade Nasional de Lisensamentu Ambiental (ANLA) IP, Maximiano M. G. de Oliveira hatete, “Saida mak atu foti hetan ema seluk hanesan motivasaun ba ita, ezemplu kompara emprezariu boot labele, tanba la hanesan ho sira, maibe siada mak ita atu halo atu kontribui ba nasaun, saida mak halo kontribui ba merkadu,” dehan nia.
(joa)
