DILI, STLTIMORLESTE.com – Diresaun Nasional Edukasaun Inkluzivu Asaun Sosial Eskolar (DNEIASE) halo koordenasaun diak ho MAE, maibe iha implementasaun merenda eskolar nee la tuir menu neebe estabelese ona.
Diretor Nasional Edukasaun Inkluzivu Asaun Sosial Eskolar, Fernando Soares dehan, linha koordenasaun ho ESTATAL lao nafatin, no iha asuntu neebe mak koordena formasaun ka monitorizasaun konjunta nee lao nafatin.
“Agora ami halo hela koordenasaun, iha eskola balu lansa daudaun ona merenda eskolar. Menu nee ita haree los ona, tuir produtu lokal neebe mak ita iha, tanba Governu hakarak atu uza ita nian produtu lokal, maibe dala ruma problema oituan mak implementa la tuir menu,” katak Fernando Soares ba STL, Kuarta (29/01/2025).
Nia dehan, dala ruma implementa la tuir menu neebe iha, maibe eskola ninia kondisaun la hanesan, liu-liu ai-haan produtu la hanesan, entaun muda menu tuir kondisaun eskola idak-idak. Menu nee iha ona, dala ruma ba kompra iha merkadu, ezemplu iha neeba naan laiha, entaun troka fali menu seluk.
(jac)