DILI, STLTIMORLESTE.com – Implementasaun programa merenda eskolar iha eskola sira daudaun nee lao diak hanesan baibain, tanba kada loron estudantes sira asesu ba programa refere.
Asuntu nee hatoo husi Belchior Maria Almeida Barros, hanesan Xefe Departamentu Programa Merenda Eskolar iha ME ba STL iha nia knaar fatin, Tersa nee (18/08/2026).
“Tuir informasaun neebe mai husi koordenador Munisipiu Dili, Eskola Ensinu Baziku Nobel da Paz rasik mak hatoo karta ba servisu Munisipal Edukasaun Dili, tanba sira nia eskola sei iha faze kontrusaun ne emak sira husu ba tinan nee PME ba eskola Nobel da Paz sei ativu fali prlgrama new iha tinan oin,” nia informa.
Nia dehan, oras nee daudaun programa merenda eskolar iha eskola sira lao diak hanesan baibain, tantu eskola sira husi Dili no Munisipiu sira, menu nee eskola idak-idak jere menu neebe mak iha ona, oinsa fornesedor sira prepara ai-haan neebe diak ba estudantes sira iha eskola, papel husi Ministeriu Eduksaun nian mak nafatin halo kontrolu ba programa ida nee.
Iha fatin seluk, Superintendente Edukasaun Munisípiu Dili, Cesarina C.Guterres dehan, eskola balun iha Munisípiu Dili hahu halo konstrusaun dapur ba tein programa merenda eskolar ba estudantes sira.
“Hanesan Eskola EBF Camea Centru, maske dapur foun iha ona, maibe sira nafatin uza Ai sunu no sira tein iha liur no hahan tasak mak foin lori ba dapur foun. Tuir ami nia observasaun hanesan nee, maibe kontruksaun mai husi ME ou Estatal karik,tanba informasaun atu klaru liu tan,diak liu husu iha Direitor SEM Dili,” dehan nia.
Nia dehan, programa merenda eskolar iha eskola sira lao normal hanesan baibain, fornesedor sira tein tuir menu neebe mak husi eskola sira iha ona, tanba nee, eskola balun tein merenda uza gas, maibe balun mak sei uza ai sunu, balun iha dapur, no balun mak foin hahu halo konstruksaun.
Nunee mos Fundador Eskola Nobel da Paz, Jeremias P. de Jesus hatete, too agora estudantes sira husi ensinu baziku Nobel da Paz la asesu ba iha programa merenda eskolar, inklui mos la hetan konsesaun eskolar, nee duni sira nian estudantes husi eskola refere, la asesu merenda eskolar.
“Ami nian estudantes ensinu baziku Nobel da paz la asesu merenda eskolar, tanba eskola Nobel hanesan eskola pribadu ida, maibe atu fo apoiu ba eskola sira, nee kompetensia husi Ministeriu Edukasaun,” nia akresenta.
(jac)
