Inan Aman Kestiona Guarda Eskola Iha Hans Klemm

Ilustrasaun (Foto: Espesial)

DILI, STLTIMORLESTE.com – Inan aman estudantes husi Eskola Ensinu Baziku Filial Hans Klemm Bairo Pite, kestiona guarda iha eskola nee, hodi halo kontrolu ba sira nia oan.

Tuir Koordenador Ensinu Baziku Filial (EBF), Hans Klemm Bairo Pite, Lucas Brandao da Silva dehan, guarda husi governu laiha, agora daudaun guarda neebe iha kontribuisaun husi inan aman mak selu.

“Ami deside diak liu guarda laiha deit ona, maibe inan aman estudantes sira kestiona, se guarda eskola laiha, se mak halo kontrola ba ami nian oan sira, nee ami nia oan sira la seguru ona, tanba eskola besik estrada boot. Ema hotu-hotu nia oan mai iha nee, ami presiza tanba guarda ida tuan nee asegura tebes-tebes ami nian oan sira la sai, no la loke portaun arbiru. Nee duni kona-ba guarda eskola ninia nee, ami sei halo fali enkontru ida ho inan aman estudantes,” dehan Koordenador Lucas Brandao da Silva ba STL, Kuarta (15/01/2025).

Lucas dehan, difikuldades ba estudantes volume liu tiha, maibe inan aman sira mai hakruk hela deit, tanba situasaun seguransa iha eskola nee iha duni, too agora ho sira nian kapasidade eskola atu labele simu, maibe hakarak ka lakohi sira labele abandona estudantes, sempre buka meus hodi bele simu nafatin estudantes foun.

“Difikuldade neebe ami hasoru nee, tanba ami besik estrada ibun. Ami nian guarda eskola husi governu laiha, guarda eskola neebe iha nee kontribuisaun inan aman estudantes sira nian 50 sentavu, sira tau hamutuk hodi selu guarda eskola,” nia afirma.

Nunee mos Estudante Luisa Martins Gomes de Jesus hatete, los duni eskola sei halo enkontru ho inan aman sira hodi koalia kona-ba guarda eskola, inan aman sira hakarak iha guarda eskola para labarik sira tama sai iha portaun nee haree, eskoa besik tan estrada.

(jac)

Share it :

Leave a Reply

Your email address will not be published. Required fields are marked *