MAUBISSE, STLTIMORLESTE.com -Inan Faluk Rosa Mendonca husi Suku Maubisse, Munisipiu Ainaro ho haraik aan husu tulun ba Prezidente Republika Jose Ramos Horta atu apoiu nia oan ida asesu ba estudu, tanba nia kbiit la too hodi dudu oan ba eskola.
Inan Faluk, Rosa Mendonca hatoo nia preokupasaun nee bainhira Prezidente vizita negosiante sira no sosa komunidade sira nia sasan iha merkadu Maubise, Kuarta (29/04/2026). Ho vizita nee inan Faluk ba hasoru direita Prezidente iha merkadu laran hodi husu Prezidente tulun nia oan ida hodi asesu ba eskola.
Ba jornalista Faluk Rosa hatete, nia faluk labele halo tos no natar, maibe nia moris mak faan sasan modo oan sira hodi hola hahan sustenta oan nain 2 maibe oan ida la eskola ida mak eskola, daudaun nee tuur iha banku pre-sekundaria klase 3, tanba nee husu Prezidente tulun nia oan bele asesu eskola too remata.
“Hau nuudar faluk nemak mai faan sasan, maibe kbiit laiha atu dudu oan ba eskola ida beik la eskola ida mak eskola, tanba nee ma kami husu estadu liu liu Prezidente atu atende ami nia oan ba eskola, ida deit mak ba eskola agora klase 3 pre-sekunaria nemak ami husu estadu bele tau matan ba labarik mane mesak nee bele ajuda ba eskola tanba hau faluk hela,” dehan Inan Faluk.
Hatan ba kestaun nee Prezidente Republika Jose Ramos Horta hatete prontu apoiu tempu badak sei buka dala apoiu liu husi bolsu estudu nomos halo uma dignu bai nan faluk ho nia oan.
“Nee hau sei fo duni programa bolsa estudu ke iha ona programa nee lao ona fundasaun lao dadaun ona maibe tanba fundasaun laiha staf sufisiente todan tebes ba ezekuta programa nee entau hau nia idea mak nee orsamentu neebe iha ona ema fo hau sei Entrega balun ba NGO balun hanesan Arquiris, fundasaun Alola, sira seluk tan hau hatete 20 dolar mak nee ka 30 mill mak nee favor imi mak kaer imi mak haree estudante neebe mak presiza imi mak haree hau hanesan simu osan, depois Entrega ba sira para sira ezekuta, tanba halo programa boot nunee presiza ema neebe iha esperensia,” dehan PR Horta.
Xefe Estadu hatete, Inan faluk neebe husu tulun direita ba Prezidente Republika hodi fo apoiu nee Prezidente garante sei fo apoiu ba oan bele asesu ba eskola.
“Nee duni familia ohin nee hau garante apoiu bolsa estudu ba sira hau garante halo uma diak ida ba familia nee liu liu ama ida ohin hasoru hau iha merkadu nee, nomos ama ida ohin koalia Horta Show nee mos sei apoiu tanba ema nain 10 kedas iha uma,” katak.
Alende nee Prezidente Republika mos vizita komunidade suku Maubisse no sosa sasan neebe negosiante sira faan iha merkadu maubisse.
(eme)
