DILI, STLTIMORLESTE.com – Institutu Nasional Kombate HIV-SIDA (INCSIDA) sensibilizasaun informasaun virus HIV ba militante Partidu Demokratiku (PD).
Nia dehan, sensibilizasaun informasaun kona-ba virus HIV nee laos ba militante PD deit, maibe sei kordena ho militante husi Partidu KHUNTO, FRETILIN nomos CNRT liu-liu ba partidu sira neebe asentu iha Parlamentu Nasional (PN).
“Ita laos sensibiliza informasaun kona-ba HIV nian ba PD nia militante deit, maibe aban ho Partidu KHUNTO nia militante no CNRT, FRETILIN, PLP, pokonya iha asentu PN tenta hotu, neebe ohin ho PD, aban ho KHUNTO depois ba FRETILIN, CNRT no PLP,” hatete Prezidente INCSIDA, Daniel Marçal ba jornalista sira iha resintu INCSIDA Pantai Kelapa Dili, Kinta (16/04/2026).
Nia esplika, INSCIDA hakarak fahe informasaun nee ba mos Partidu Politika sira, tanba joven sira barak mak involve iha Partidu Politiku.
“Tanba ita nia joven sira mak aban bainrua kandidatura liderasan kontinuasaun ba dezenvolvimentu Timor nia, tanba nee sira tenke saude neebe diak komesa agora, no agora estuda no aprende no saude diak, tanba HIV la hili ema nee liderasan ou lae,” nia informa.
Nia koalia, husi INSCIDA nia hakarak juventude sira neebe tur iha partidu poliku sira nee importante tebe-tebes.
“Ita tenke fasilita sira, prepara sira para aban bainrua sai lider ida neebe saudavel iha saude, saudavel iha moral para bele ukun rai ida nee didiak ba oin,” nia argumenta.
Iha fatin hanesan, Prezidente Interinu Partidu PD, Samuel Mendonça esplika, Partidu Demokratiku (PD) servisu hamutuk ho Prezidente INSCIDA hakarak atividade sensibilizasaun ba moras HIV-SIDA iha Timor-Leste (TL) ba partidu hotu-hotu laos ba PD deit.
“Sensibilizasaun nee lao diak tebe-tebes, ita haree partisipaun mos masimu, tanba nee HIV-SIDA nee tenke hakribi, tanba HIV militante sira tenke halo prevensaun diak, tanba ita nia saude nee imporante tebes ba joven sira,” nia deklara.
Nunee mos juventude PD orgulhu tebe-tebes ba loron ohin, tanba bele hetan informaaaun neebe diak, oinsa halo prevensaun ba moras HIV-SIDA, tanba juventude mak hanesan ajente trasformasaun iha sosiedade, tanba nee persiza duni hatene informasaun neebe diak, bele trasmite informasaun nee ba sosiedade, atu nunee sira mos bele halo prevensaun ba moras HIV nee rasik.
“Oinsa ita ida-idak bele halo prevensaun ba moras HIV-SIDA, tanba moras nee perigozu tebe-tebes ba ita humanu nia vida, tanba nee oportunidade ida nee importante tebes ba ami juventude PD, ami bele rona informasaun ho los husi INSCIDA, hodi ami bele hadook aan husi moras nee rasik,” nia afirma.
(jen)
