DILI, STLTIMORLESTE.com – Institutu Qualidade Timor Leste (IQTL) realiza seminariu nasional ho tema kona-ba “Knaar no Responsabilidade Instituisaun IQTL.IP, Autoridade Inspesaun Fiskalizasaun Atividade Ekonomika Saniatria no Alimentar (AIFAESA) ho Autoridade Nasional Petroleum (ANP) Nian”.
Vogal II Departamentu Vogal II Parte Metodolojia no Normalizasaun Estandarizasaun IQTL, Gustavu de Oliveira Maia dehan, Seminariu ohin loron nian imporante atu fo hatene ba publiku konsumidores liu-liu kona-ba knaar IQTL nian, wainhira haree mos ba instituisaun sira seluk ou IP seluk, neebe halo mos servisu hanesan.
Nunee halibur matenek nain sira husi instuisaun sira neebe iha servisu semilar hanesan, atu esplika lo-loos ba publiku knaar idak-idak tuir halo mos servisu hanesan neebe IQTL halo.
Tanba IQTL ninia servisu nuudar regulador, signifika katak kria padraun ida neebe ema bolu dehan, protesaun konsumu, padraun ida nee hanesan orientasaun ida para ita nia tekniku sira bele servisu tuir regulamentu, laos naran-naran deit halo servisu.
Maibe iha regulamentu neebe mak sei defini iha regulamentu interna nomos haree regulamentu mai husi lei, tenke kabe iha dekreiru lei nee ninia, entaun hatur iha neeba.
“Iha seminariu nasional ida nee sei kompostu husi orador nain 3 husi IQTL I.P ANP I.P no AIFAESA I.P, idak-idak koalia nia knaar no responsabilidade atu nunee instituisaun 3 nee halo ninia servisu labele halai ba mai, ou hadau malu, tanba nee liu husi seminariu nee ami fo sai ba publiku bele komprende kona-ba instituisaun lei 40 ho 20 koalia kona-ba tekniku ninian,” hatete Gustavu ba jornalista sira iha Salaun Luz Clarita Tersa nee (10/12/2024).
Nia dehan, tekniku nee halo saida haree ba estandar metodojia nian, saida estandar metodojia haree ba ekipamentus neebe tekniku kabe ba metodolojia nia servisu hanesan makina bomba kombustivel halai ba mediasaun hanesan dasin tetu sasan iha merkadu, tetu sasan produtu lokal nunee mos produtu neebe importasaun.
Ho ida nee hahu ho etapa ida, primeiru halo seminariu desemplar, segundu etapa ida tan IQTL Ministeriu komite ida hodi produs ona, nunee hahu ona estandar sira nee mai husi referensia nasaun barak mak sei fornese mai iha IQTL estandar sei harii laos ema ida rua, maibe ninia stok holder barak tebes iha TL mai husi saude agrikultor instuisaun relevante sira konvoka halo worldshop, seminariu publika estandar, draf ba publiku atu hatene.
Iha fatin hanesan Reprezentante Inspetora Jeral AIFAESA, Quitela da Costa hatete, ohin ema hotu hamutuk iha nee atu haree knaar responsabilidade rua mak asumi liu-liu IQTL nomos AIFAESA, iha seminariu nee imporante tebes, tekniku sira tur hamutuk atu koalia idak-idak ninia knaar.
(joa)
