Jeneral Falur Hakerek Livru Ho Titulu Ilustrasaun, Rekooperasaun No Konsiensializasaun

Xefe Estadu Maior Jeneral FALITIL-Forsa Defeza Timor Leste (F-FDTL), Tenente Jeneral Domingos Raul "Falur Rate Laek". (Foto: STL/Jeniche da Costa)

DILI, STLTIMORLESTE.com – Xefe Estadu Maior Jeneral FALINTIL-Forsa Defeza Timor Leste (F-FDTL), Tenente Jeneral Domingos Raul “Falur Rate Laek” hakerek ona livru ho títulu Ilustrasaun, Rekooperasaun no Konsiensializasaun.

“Livru ida nee halo mai ho pensamentu ida neebe klaru ba hau no mehi neebe hau iha,” hatete Xefe Estadu Maior Jeneral F-FDTL, Tenente Jeneral Domingos Raul “Falur Rate Laek” ba jornalista sira iha Metinaro, Sesta (31/1/2025).

Nia dehan, Timor Leste ukun aan tinan 24, depois formasaun Forsa Armadas konjuntura hatete ba hau katak, nia ideia tenke hakerek iha livru, atu nunee jerasaun foun sira bele lee no hatene.

“Hau hakerek livru ida nee no hau iha ajenda ida uluk hau sei Xefe Estadu Maior, hau halo ona nia títulu mak Ilustrasaun, Rekooperasaun no Konsiensializasaun, ida nee mak hau kontinua deit, ita boot sira haree hau nia peregrinasaun lao iha Timor laran tomak para halo marka ga fo sinal ba fatin istoriku hotu-hotu, liu-liu ho situasaun polemika veteranu nian neebe mai iha nee, hau haree nia konkuluzaun no nia resposta iha hau nia hahalok ida nee, tanba nee hau halo livru ida nee, hola ba hodi lee,” nia tenik.

Nia deklara, livru nee faan ida hetan US$ 20, atu nunee osan bele tau hamutuk iha fatin kaixa iha Salaun Memorial, nunee mantein segurasa estabilidade no manutensaun ba uma Memorial ida nee, tanba uma uluk ida ba Forsa Armadas nian mak ida nee.

(jen)

Share it :

Leave a Reply

Your email address will not be published. Required fields are marked *