DILI, STLTIMORLESTE.com – Jesus hanorin ema oinsa fo ai-haan fiar nian nuudar mesias atu hanorin ema oinsa fo ai-haan lalehan ba isin.
Kestaun nee hatoo husi Padre Paul Kerans, SVD ba STL liu husi nia refleksaun ba loron Segunda 20/04/2026 Reflesaun ba segunda, semana tolu pascoa nian, evanjelhu Joao 6:22-29.
Padre dehan, iha Evangelhu ohin nian, ema barak tuir Jesus tamba sira fiar Nia nuudar Mesias. Maibe, sira nia komprensaun kona-ba Mesias limitadu ba líder mundu nian ida neebe bele hatan ba sira nia nesesidade rai nian ba ai-han no liberdade hosi autoridade Roma nian.
Nunee, sira barak tau fokus ba milagre kura no simu ai-han. Hanesan Moises fo ai-han husi lalehan ba ema Izrael, nunee mos ema iha Jesus nia tempu hanoin katak nuudar Mesias, Nia sei fo ai-han gratuitu ba sira.
Jesus haree motivasaun egoísta sira neebe tuir Nia, laos tanba razaun seluk se laos atu hatan ba sira nia nesesidade fíziku. Jesus aproveita oportunidade ida nee hodi hanorin sira atu la bele servisu ba aihan neebe dodok, maibe ba aihan neebe fo moris rohan laek.
”Iha Mateus 6:33, Jesus dehan, “Buka uluknanai Maromak nia reinu no Ninia justisa, no buat sira-nee hotu sei fo ba imi.” Ita buka Maromak laos deit atu hatan ba ita-nia nesesidade fíziku, maibe atu husik Nia sai Nai no Liurai iha ita-nia moris. Ita ho haraik-an buka Nia nuudar ita-nia Aman domin nian neebe haruka Nia Oan-Mane mesak atu terus no mate atu ita bele moris,” dehan Padre.
Bainhira fiar iha Jesus no simu Nia nuudar Maromak nia Oan, Paun Moris nian no Naroman mundu nian, ema nia moris sei muda.
“Ita-nia prioridade sira sei sentra iha hadomi Maromak, ema seluk, no ita-nia an rasik. Ita sei aprende katak Maromak deit mak sei fo ita-nia nesesidade fíziku no espiritual. Hodi nunee, ita sei komesa hamrook no hamlaha ba buat neebe rohan-laek, laos buat neebe liu deit,” dehan Padre.
Nunee mos Padre Richardo Pasang SVD hatutan Semana 3 Paskua nian iha Tempu Baibain Leitura sira Apostolu sira-nia hahalok 6:8-15; João 6:22-29.
“Imi keta serbisu ba ai-han neebe sei dodok, maibe atu hetan ai-han neebe tahan ba moris rohan-laek.” João 6:27 . Paun Buka, Oin Hetan,” katak Padre.
Padre dehan Ema lubun buka Jesus! João 6:24 sira hakur tasi atu hasoru deit Nia. Maibe Jesus hatene saida mak iha sira-nia fuan sira buka paun, laos Ida neebe fo. Dala barak e,a mos halo hanesan nee.
“Sira reza novena sira ho badinas, tuir misa ho laran-metin, maibe sira-nia motivasaun mak atu husu bensaun, atu husu dalan atu sai. La sala, maibe Jesus konvida sira klean liutan buka hau, laos deit Hau-nia prezente sira. Estevão: oin ida neebe nabilan Jesus Apostolu sira-nia hahalok 6:15 Estevão hetan tesi-lia no koalia aat kona-ba ninia naran, maibe nia oin hanesan anju nia oin. Tanba sa? Tanba nia serbisu makaas ba ai-han neebe la mohu”. Nia hetan ona Jesus nuudar paun moris nian, akuzasaun sira labele hasai nia dame. Ema neebe nakonu ho Kristu kalma nafatin maski moris nee turbulentu,” dehan Padre.
Nunee mos mensajen ba ohin Molok okupadu hodi buka “paun” salariu ida, projetu ida, solusaun ida husu ba ema nia an “Hau buka uluk Jesus ohin?” Serbisu neebe hahú ho orasaun, kalúnia hasoru ho silensiu, knaar sira neebe halo ho domin nee maka Maromak nia serbisu João 6:29: fiar iha Nia.
“Orasaun:Nai Jesus, Ita mak Paun ba hau nia Moris. Keta husik hau deskansa deit iha Ita-boot nia bensaun sira. Halo hau nia oin hanesan Estevão nian: hakmatek tanba Ita boot sufisiente mai hau. Ohin hau hakarak serbisu laos atu moris deit, maibe husi moris neebe Ita-Boot fo. Amen,” hakotu.
(eme)
