Jesus Lakohi Ema Moris Iha Diabu Nia Ukun

Foto: Espesial

DILI, STLTIMORLESTE.com – Jesus Kristu mak hun no rohan laek ba ema, tanba nee nia lakohi sarani sira moris iha diabu nia ukun, maibe moris tuir Maromak nia ukun fuan sira, lao tuir dalan neebe mak loos.

Lia hirak nee hatoo husi Padre Richardo Pasang, SVD liu husi nia reflesaun ba loron Tersa (14/01/2025).

Padre Richardo dehan, Jesus nia terus hodi sai hun maksoin. Tanba sai hun maksoin, Jesus Kristu sakrifika nia aan tanba ema nia dignidade iha Maromak nia futar oin.

No Jesus Kristu lakohi ema moris iha diabu nia ukun, maibe iha Maromak nia ukun. Nee duni, mai hotu-hotu husu Nai Jesus Kristu haraik naroman atu lao tuir Maromak nia doutrina no hadook aan husi diabu nia ukun.

Semana I do Tempo komum Heb. 2 : 5 – 12 Mrc. 1 : 21 – 28 Jesus Kristu sempre interesante-espetakuler iha ema barak sira oin. Wainhira Nia sei moris iha Nazareth, iha Nia rai rasik, Jesus Kristu incrivel tebes iha Maria no Jose sira oin. Liu fali ida nee, wainhira Nia hahu halao nia misaun iha publiko, ema barak admira teb-tebes nia no interesante atu lao tuir Nia.

Nunee Evangelista Saun Marcos hatoo katak, ema barak admira tebes ba Jesus wainhira rona Ninia lia hanorin, Nia doutrina iha Sinagoga iha Kapenaum. Ema hotu sente katak Jesus diferente tebes ho profeta no mos eskriba sira iha Ninia tempu.

Jesus iha kbiit no autoridade nuudar Mestre. Jesus viral liu tan wainhira Nia halo milagre oin-oin hanesan duni sai diabu nebe tama iha ema ida iha tempu laran Nia haruka diabu sira, diabu sira halo tuir.

“Tan nee, Lia husi Hebru sira haklaken katak Tebes duni, nunee Maromak hafutar Jesus ho gloria tomak husi Nia terus hodi sai Hun maksoin. Tanba sai Hun maksoin, Jesus Kristu sakrifika Nia-aan tanba ita ema nia dignidade iha Maromak nia futar oin. Jesus Kristu lakohi ita ema moris iha diabu nia ukun maibe iha Maromak nia ukun. Nee duni, mai ita hotu husu Nai Jesus Kristu haraik naroman mai ita atu lao tuir Maromak nia doutrina no hadook aan husi diabu nia ukun,” katak Pe. Richardo.

Padre Richardo husu sarani sira nafatin reza hodi hadook aan husi hahalok aat husi diabu nia ukun, maibe moris tuir jesus nia hanorin sira. Maromak haraik bensaun ba hotu hotu.

(eme)

Share it :

Leave a Reply

Your email address will not be published. Required fields are marked *