DILI, STLTIMORLESTE.com – Relasiona ho konkursu neebe iha, Juiz dezembargador nain 4 husi Tribunal Rekursu mos konkore hotu.
Komisaria ba Komisaun Rekrutamentu Juiz Supremu Tribunal Justisa (STJ), Carmelita Caetano Moniz dehan, atual Juiz dezembargador nain 4 iha Tribunal Rekursu hanesan Deolindo dos Santos, Maria Natercia Gusmão, Jacinta Coreira no Duarte Tilman konkore vaga Supremu Tribunal Justisa.
“Sim, sira konkore hotu, foin daudaun sira halo termu aseitasaun hodi mantein funsaun iha Tribunal Rekursu no konkore vaga iha Supremu Tribunal,” dehan Carmelita Moniz ba jornalista sira liu husi Konferensia imprensa iha Supremu Tribunal Justisa, Kolmera, Sesta (07/08/2026).
Nia dehan, Juiz dezembargador nain 4 iha Tribunal Rekursu hanesan Deolindo dos Santos, Maria Natercia Gusmao, Jacinta Coreira no Duarte Tilman nee pertense hotu husi numeru 38 kokorente.
Esplika tan, iha lei organizasaun judisiaria nee fo biban Juiz nain ida hili husi Parlamentu Nasional rua ida Prokurador Republika no ida mak jurista profisional.
Carmelita profunda, vaga nee laos elemitaroriu, maibe prosesu kuandu iha insatisfasaun kokorente sira bele hatoo reklamasaun ba juri durante loron 15 nia laran no juri iha loron 10 para atu fo resposta.
Iha fatin ketak, Akademiku UNTL, Rafael de Jesus dehan, Juiz nain 4 bele konkore ho kapasidade neebe sira iha liu husi selesaun, se priense regra sira bele tur iha STJ.
“Sira bele konkore hanesan Timor oan, ho kapasidade neebe iha depois iha rezultadu ikus mak foin hatene, se mak bele tur iha neeba,” dehan nia.
Nia hatutan, hanesan Timor oan tau konfiansa ba iha ekipa juri hodi halao knaar no bele fo rezultadu neebe diak iha selesaun.
(ter)
