DILI, STLTIMORLESTE.com – Kandidatu estudante akademia militar konjunta iha nain 63 mak admitudu iha faze teste aptidaun militar nian.
Tuir Prezidente Komisaun Rekrutamentu ba kandidatu estudante Akademia Militár 2026, Nuno Manuel Corvelo hateten, teste aptidaun fiziku, teste saude no psikoteste realiza ho diak, iha kandidatu estudante barak mak lakon iha faze sira nee no daudaun nee too iha faze aptidaun militar. Ba kandidatu estudante Akademia Militár Konjuta neebe admitidu ba faze aptidaun militár nee iha nain 63.
“Rezultadu Akademia Militar nee konta teste ida foin daudaun nee sira konklui ona liu-liu ida teste ikus liu nee mak iha ema nain 63 mak sei iha neeba. Iha barak mos la liu iha teste fiziku, teste saude no prova oral. Tanba siensia nee ita foti nee barak embora husi siénsia ezaktu deit tanba nee mak barak mak la konsege,” hatete Prezidente Komisaun Rekrutamentu ba kandidatu estudante Akademia Militár 2026, Nuno Manuel Corvelo ba jornalista sira iha nia knaar fatin IDN, Kuarta (15/06/2027).
Nia esplika, kandidatu estudante akademia militár konjunta 63 neebe admitudu iha faze aptidaun militar sei dezloka ba edifisiu Akademia Militár Konjuta iha Aileu durante loron 10.
Nia informa, durante teste aptidaun militár durante loron 10, kandidatu sira sei adpata ba iha natureza militar, kuandu iha teste mak kandidatu sira la kumpre ba regulamentu vida militar sei halo eliminasaun.
“Kuandu sira liu faze nee, entaun ita admite sira hodi konhese klean liu tan akademia konsulta ba fulan hira tan no tinan oin sira hahú halo eskola,” nia koalia.
Antes nee Diretor Akademia Militár Konjuta, Kapitaun Fragata Duarte Borges Loe dehan, inisiu fulan Agostu mak nia foin tinan funsaun hanesan Diretór ACM iha Aileu.
Nia depozita konfiansa total ba ema hirak neebe tur iha Diretór Akademia Militár Konjuta tanba sira nee ema neebe iha formasaun akademia no formasaun neebe kualidade neebe iha fatin barak.
“Sira iha formasaun akademia militár no sira ofisiál, Serjentu Prasa sira neebe eskola husi militar sira seluk kompromisu ida neebe ba ami hanoin iha toma pose ida nee ami sei lidera ho rigór, signifika sei iha avaliasaun regular, avaliasaun regular nee sei haree ba iha fiziku kadetes, sei halo avaliasaun regular ba sira nia akademia no halo avaliasaun regular ba sira nia morál,” nia afirma.
(jen)
