DILI, STLTIMORLESTE.com – Formasaun profesores hodi kria programa kontinua ba kapasitasaun pedalojia no lian ba profesores sira, atu hasae kualidade ensinu nian.
“Fortalesimentu Edukasaun Tekniku Vokasional (TVET) estabelesimentu no modernizasaun eskola Téknika Vokasional sira atu fo meius tekniku direta ba area estratejiku sira nian. Formasaun professór sira: Kriasaun programa kontinua ba kapasitasaun pedalojia no lian ba professores sira atu hasa’e kualidade ensino nian,” dehan nia.
Dehan Diretor Eskola ESTV-IT 28 de Novembru Becora, Tomas Pinto ba jornalista STL, Tersa nee (18/08/2026).
Tomas dehan, preparasaun ba jerasaun foun ba merkadu servisu no dezenvolvimentu Nasaun, area fokus asaun pratika no estratejika. Kapasitasaun téknika no prátika aumenta prátika iha laboratóriu ofisiña (ka sistema meius meiu-bloku) iha área sira nian hanesan Informátika, Elektrisidade, Eletronica, no Artes Gráfikas.
“Lian no komunikasaun fortalese domíniu lian ofisiál sira (Tetun no Portugés) hamutuk ho lian Inglés, hodi fasilita integrasaun iha merkadu servisu rejionál (ASEAN). Kapasidade dijitál Introduz alfabetizasaun dijitál, pensamentu krítiku no kompetensia teknologika sira neebe presiza iha era industriál. Parseria ho Merkadu Estabelese ligasaun entre instituisaun edukasional sira ho setór privadu no ajensia sira atu fo oportunidade estajiu pratiku (internship) ba estudante sira,” nia esplika.
Nia dehan, dezafiu boot liu aban bairua nian laos deit harii eskola, maibe garanti katak estudante neebe sai husi sistema tekniku no akademiku iha kualifikasaun neebe rekoinesidu no simu husi industrias no empreza dezenvolvimentu edukasaun. Estratejia, progresu no preparasaun ba merkadu servisu no dezenvolvimentu Timor Leste nian, pilar 8 ba transformasaun. Analize no resposta ba estratéjia integrativa sira atu haburas rekursu umanu ho kualidade iha Timor Leste.
“Reforma Kurrikular Nasional, aprendizajen Sentru iha estudante. Mudansa paradigma husi ensinu tradisional ba abordajen neebev fó espasu 75% ba estudante sira atu ativu, halo peskiza, no diskute iha sala aula laran. Kompetensia Sekulu XXI integra pensamentu kritiku, rezolusaun problema no valor sosiokultural nasional sira iha kurrikulu Ensinu Baziku no Sekundariu. Ensinu Tekniku no Vokasional (ESTV,” katak nia.
Nia hatutan, eskola Teknika Vokasional sira iha teritóriu tomak atu fó abilidade neebe nesesariu ba industria sira, sertifikasaun husi INDIMO, aumentu fasilidade ofisiña no laboratóriu, espesial iha konstruksaun, elektrisidade, agrikultura no mekanika. Orientasaun karreira no dijitál. Mapamentu talentu no gia konselhu ba estudante sira atu hili tuir nesesidade real merkadu servisu nasional.
(jac)
