BAUKAU, STLTIMORLESTE.com – Kareta patrolhu Korpo Gurda Florestal (CGF – sigla português) abandona hela iha uma komunidade nian iha Suku Triloka, Postu Administrativu Baukau Vila.
Tuir uma nain neebe la temi nia identidade konta, iha loron 02 Junhu 2025 parte dader bainhira hadeer loke odamatan boot haree kareta refere para ona iha uma oin.
Durante para kareta too loron 04 Junhu nee parte ruma seidauk too fatin haree kareta nia kondisaun.
“Para iha nee loron rua tiha ona, dadersan hadeer mai para iha nee tiha ona ema la mai haree,” hateten komunidade nee ba STL iha kareta para fatin, Kuarta (04/06/2025).
Tuir observasaun STL nian iha terenu nota katak, kareta refere ho sapa matrikula 07-463 G deskonfia avaria iha roda parte karuk oin.
Liga asuntu nee STL tenta konfirma Xefe Departamentu Delegasaun Territorial Florestal, Kafe Plantas no Industria Munisipiu Baukau, António José Lopes, maibe laiha fatin atu fo komentariu.
(tom)
