DILI, STLTIMORLESTE.com – Relasiona ho kazu Superintendente Polísia Julia da Gama nian neebe durante nee sai polemika iha publiku, daudaun nee tama ona iha prosesu kontinuasaun ba rekolha averiaguasuan, molok foti desizaun ba promosaun.
Nia dehan, Polisia Julia da Gama ninia kazu iha hela prosesu, tanba nee Ministériu Interior (MI) sei hein aprezentasaun husi ekipa sira neebe rekolha faktus hotu depois aprezenta, bele foti ona desizaun.
“Hau labele koalia barak, mais iha hela prosesu nia laran hodi rekolha faktus, depois sei halo rekomendasaun mak ita haree took ba iha prmosaun,” hatete Ministru Interior (MI), Francisco da Costa Guterres ba jornalista sira, hafoin partisipa reuniaun Konselhu Ministru iha Palacio Governu, Kuarta (13/05/2026).
Governante nee dehan, kazu nee nia prosesu sei lao, bainhira mak iha promosaun ba nia nee seidauk hatene.
“Hau laos matan dook, prosesu nee lao lai ba, depois mak ita haree, tanba ema rekolha hela faktus, ema halo hela prosesu fiskalizasaun no inspesaun ba nia kargu sira nee, tanba nee husik investigasaun sira lao lai ba, depois mak aprezenta,” nia esplika.
Tanba nee, hanesan Ministru labele koalia buat ruma, husik sira halo ho kuidadu no aprezenta mai mak foin Ministeriu Interior hatete no pronunsia.
“Ita espera katak fulan ida ou rua tan sira bele aprezenta ona rezulta mai, ita haree took,” nia afirma.
(jen)
