DILI, STLTIMORLESTE.com – Governu liu husi reuniaun Konselhu Ministru (KM) aprova ona projetu rezolusaun neebe aprezenta husi Sekretariu Estadu Komunikasaun Sosial (SEKOMS), Expedito Dias Ximenes, hodi ezonera Jose Antonio Belo husi kargu Prezidente Konselhu Administrasaun Radio Televizaun Timor Leste, Empreza Publika (RTTL.EP).
“Aprova ona Rezolusaun Governu, neebe aprezenta husi Sekretariu Estadu Komunikasaun Sosial, Expedito Dias Ximenes, neebe determina ezonerasaun ba atual Prezidente Konselhu Administrasaun RTTL,EP,” hatete nota komunikadu neebe STL asesu husi media PKM, Kuarta nee (26/02/2025).
Entretantu iha biban nee mos Konselhu Ministrus nomeia Elizeu Isaac Fernandes hodi asumi kargu Prezidente Konselhu Administrasaun RTTL,EP ba mandatu tinan 4.
“Nomeasaun nee bazeia ba kapasidade téknika no jestaun neebe deskonhesidu husi Prezidente foun, no mós ninia esperiénsia profisional, senioridade, idoneidade no imparsialidade,” tenik komunikadu.
(alb)
