DILI, STLTIMORLESTE.com – Relasiona ho selebrasaun loron Transformasaun FALINTIL ba FALINTIL-Forsa Defeza TImor Leste (F-FDTL) ba dala 24, tanba nee Komando F-FDTL halo tratamentu saude ba komunidade sira iha Suku Leorema, Postu Administrativu Bazartete, Munisipiu Likisa.
Xefe Estadu Maior Jeneral F-FDTL, Tenente Jeneral Domingos Raul “Falur Rate Laek dehan, iha ambitu selebrasaun loron transformasaun F-FDTL ba dala 24, neebe se monu iha dia 2 Fevereiru 2025.
“Ami nia prezensa hanesan ofedese ida, atividade ida bolu dehan kooperasaun sivil militar, ami ohin mai halo tratamentu imi. Ami bele halo iha Timor laran tomak, mais iha nee espesial, tanba atu halo aniversariu F-FDTL transformasaun FALINTIL ba F-FDTL iha 2 Fevereiru nee,” hatete Xefe Estadu Maior Jeneral F-FDTL, Tenente Jeneral Domingos Raul “Falur Rate Laek” ba jornalista sira iha Leorema, Kuarta (29/1/2025).
Nia tenik, sira halo atividade lubuk ida, maibe laos boot liu, tanba 20 Agostu tinan 50 ba kriasaun FALINTIL, tanba nee serimonia nasional sei involve instutisaun hotu-hotu, komponente hotu-hotu.
Jeneral nee husu ba komunidade Leorema mai aproveita halo tratamentu saude, tanba nee husu ba mediku sira halo tratamentu ho domin ho konfiansa tomak no ho laran tomak.
Entretantu F-FDTL serviu hamutuk ho Hospital Rejional Eduardo Ximenes Baukau halo tratamentu saúde ba komunidade sira ilha Suku Leorema, Postu Administrativu Bazartete, Munisipiu Likisa.
(jen)